Mark Shankar: పవన్ కుమారుడి ప్రాణాలు కాపాడిన నలుగురు కార్మికులకు సింగపూర్ గౌరవం
ఈ వార్తాకథనం ఏంటి
ఆంధ్రప్రదేశ్ డిప్యూటీ సీఎం పవన్ కళ్యాణ్ చిన్న కుమారుడు మార్క్ శంకర్ ఇటీవల సింగపూర్‌లో జరిగిన ప్రమాదంలో గాయపడ్డాడు.
ప్రస్తుతం ఆయన ఆరోగ్యం మెరుగుపడుతుండగా, ఈ ఘటనకు సంబంధించి సింగపూర్ ప్రభుత్వం ఒక అభినందనీయమైన నిర్ణయం తీసుకుంది.
ప్రమాదం జరిగిన సమయంలో చిన్నారులను రక్షించిన నలుగురు భారతీయ వలస కార్మికులను అధికారికంగా సత్కరించింది.
మార్క్ శంకర్ గాయపడిన ఘటన ఏప్రిల్ 8న సింగపూర్ సెంట్రల్ బిజినెస్ డిస్ట్రిక్ట్ సమీపంలోని రివర్ వ్యాలీ రోడ్‌లో ఉన్న మూడంతస్తుల భవనంలో చోటు చేసుకుంది.
ఆగ్నేయ ప్రాంతంలోని ఆ భవనంలో ఆకస్మికంగా అగ్నిప్రమాదం సంభవించడంతో 15 మంది పిల్లలు సహా మొత్తం 20 మంది గాయపడ్డారు.
Details
పూర్తిగా కోలుకొని ఇంటికి చేరుకున్న మార్క్ శంకర్
ప్రమాద సమయంలో వలస కార్మికులు అదే ప్రాంతంలో పనిచేస్తున్నారు.
ఆ సమయంలో భవనం నుంచి చిన్నారుల అరుపులు వినిపించడంతో, మూడో అంతస్తు నుంచి పొగలు ఎగసిపోతున్న దృశ్యం గమనించి, ఆలస్యం చేయకుండా చర్యలు ప్రారంభించారు.
తమ ప్రాణాలను ప్రమాదంలో ఉంచి భవనంలో చిక్కుకున్న చిన్నారులను సురక్షితంగా కిందకు తీసుకువచ్చిన ఈ కార్మికుల సాహసానికి సింగపూర్ ప్రభుత్వం ప్రాథమికంగా స్పందించి వారికి సత్కారం ప్రకటించింది.
ఈ క్రమంలో మార్క్ శంకర్‌కి చికిత్స పూర్తి కావడంతో అతడు ఇంటికి చేరుకున్నాడు.
ఈ ప్రమాదంపై స్పందించిన మెగాస్టార్ చిరంజీవి, బాలుడు మార్క్ ఆరోగ్యంగా కోలుకోవాలని ప్రార్థించిన ప్రతి ఒక్కరికి ధన్యవాదాలు తెలిపారు.