Chandrababu Bail: చంద్రబాబు బెయిల్ రద్దు పిటిషన్‌పై నేడు సుప్రీంకోర్టులో విచారణ
ఈ వార్తాకథనం ఏంటి
ఆంధ్రప్రదేశ్ స్కిల్ డెవలప్‌మెంట్ కేసులో టీడీపీ జాతీయ అధ్యక్షుడు చంద్రబాబు నాయుడు బెయిల్‌ను రద్దు చేయాలని దాఖలైన పిటిషన్‌పై సోమవారం (ఫిబ్రవరి 26) సుప్రీంకోర్టు విచారణ చేపట్టనుంది.
గతంలో చంద్రబాబుకు ఏపీ హైకోర్టు మంజూరు చేసిన బెయిల్‌ను రద్దు చేయాలంటూ పిటిషన్ దాఖలైంది.
చంద్రబాబు బెయిల్ రద్దు పిటిషన్‌ను జస్టిస్ బేల ఎం. త్రివేది, జస్టిస్ పంకజ్ మిట్టల్‌లతో కూడిన ధర్మాసనం సోమవారం విచారించనుంది.
ఈ పిటిషన్‌పై ఫిబ్రవరి 12న సుప్రీంకోర్టులో విచారణ జరగగా, ధర్మాసనం రెండు వారాల (ఫిబ్రవరి 26)కి వాయిదా వేసింది.
చంద్రబాబుకు ఇచ్చిన బెయిల్ రద్దు చేయాలని ఏపీ సీఐడీ సుప్రీంకోర్టులో పిటిషన్ దాఖలు చేసింది.
Details
కేసును రెండు వారాలకు వాయిదా వేసిన సుప్రీంకోర్టు
సుప్రీంకోర్టు ధర్మాసనం ఈరోజు తదుపరి విచారణ చేపట్టనుంది.
రెండు వారాల కిందటే జరిగిన విచారణలో భాగంగా న్యాయవాది హరీశ్ సాల్వే కొన్ని ఇబ్బందుల కారణంగా ఆ రోజు కోర్టుకు రాలేకపోయినట్లు మరో న్యాయవాది సిద్ధార్థ లూత్రా వివరించారు. అందుకే కేసును 3 వారాల పాటు వాయిదా వేసింది.
ఆంధ్రప్రదేశ్ ప్రభుత్వం, సీఐడీ తరపు న్యాయవాది రంజిత్ కుమార్ మాట్లాడుతూ వీలైనంత త్వరగా తేదీ ఇవ్వాలని అభ్యర్థించారు.
ఇరుపక్షాల వాదనలు విన్న సుప్రీంకోర్టు కేసును రెండు వారాలకు వాయిదా వేసింది.
అందులో భాగంగానే ఈ కేసును ఫిబ్రవరి 26న విచారిస్తామని ధర్మాసనం స్పష్టం చేసింది. సోమవారం జస్టిస్ బేల ఎమ్ త్రివేది, జస్టిస్ పంకజ్ మిట్టల్ లతో కూడిన ధర్మాసనం విచారించనుంది.
Details
సెప్టెంబర్ లో అరెస్ట్.. నవంబర్ లో బెయిల్
ఏపీ స్కిల్ కేసులో ఏపీ హైకోర్టు చంద్రబాబుకు ఇచ్చిన బెయిల్‌ను రద్దు చేయాలని కోరుతూ గతేడాది ఏపీ సీఐడీ సుప్రీంకోర్టులో స్పెషల్ లీవ్ పిటిషన్ దాఖలు చేసింది.
స్కిల్ కేసులో గతేడాది సెప్టెంబర్ లో చంద్రబాబు అరెస్ట్ కాగా, నవంబర్ లో ఏపీ హైకోర్టు బెయిల్ మంజూరు చేసిన సంగతి తెలిసిందే.
ఏపీ హైకోర్టు తొలుత తాత్కాలిక బెయిల్‌ను మంజూరు చేసి, ఆ తర్వాత సాధారణ బెయిల్ మంజూరు చేసింది. ఏపీ హైకోర్టు ఇచ్చిన బెయిల్‌ను సవాల్ చేస్తూ ఏపీ సీఐడీ సుప్రీంకోర్టుకు వెళ్లింది.