జల్లికట్టును సమర్థించిన సుప్రీంకోర్టు; కానీ జంతువుల భద్రతను కాపాడాలని రాష్ట్రాలకు ఆదేశాలు
ఈ వార్తాకథనం ఏంటి
సంప్రదాయ క్రీడ 'జల్లికట్టు'ను సుప్రీంకోర్టు గురువారం సమర్థించింది. అయితే చట్టం ప్రకారం జంతువుల భద్రత, రక్షణ విషయంలో మార్గదర్శకాలను కచ్చితంగా పాటించాలని రాష్ట్రాలను ఆదేశించింది.
'జల్లికట్టు', ఎద్దుల బండ్ల పోటీలను అనుమతించే తమిళనాడు, మహారాష్ట్ర, కర్ణాటక ప్రభుత్వాల చట్టాలను సవాల్ చేస్తూ దాఖలైన పిటిషన్లపై న్యాయమూర్తులు కేఎం జోసెఫ్, అజయ్ రస్తోగి, అనిరుద్ధ బోస్, హృషికేష్ రాయ్, సీటీ రవికుమార్‌లతో కూడిన ఐదుగురు న్యాయమూర్తుల రాజ్యాంగ ధర్మాసనం విచారణ చేపట్టింది.
జంతువులతో కూడిన క్రీడలను అనుమతిస్తూ తమిళనాడు, మహారాష్ట్ర, కర్ణాటక ప్రభుత్వాలు రూపొందించిన ఇలాంటి చట్టాల చెల్లుబాటును సుప్రీంకోర్టు అనుమతించింది.
సుప్రీంకోర్టు
జల్లికట్టును రక్త క్రీడగా పేర్కొనలేం: సుప్రీంకోర్టు
సాంస్కృతిక వారసత్వం, పాఠాలు, సాక్ష్యాలను బట్టి ఈ విషయంలో కోర్టు జోక్యం చేసుకోదని సుప్రీంకోర్టు పేర్కొంది. గత కొన్ని శతాబ్దాలుగా జల్లికట్టు కొనసాగుతోందని ధర్మాసనం పేర్కొంది.
'జల్లికట్టు'లో క్రూరత్వం జరిగినప్పటికీ, ఎవరూ ఎటువంటి ఆయుధాలను ఉపయోగించనందున దీనిని రక్త క్రీడగా పేర్కొనలేమని సుప్రీం కోర్టు పేర్కొంది.
క్రీడలో క్రూరత్వం ఉన్నప్పటికీ, జంతువును చంపే కార్యక్రమంలో ప్రజలు పాల్గొనడం లేదని ధర్మాసనం చెప్పంది.
రాష్ట్రపతి ఆమోదం పొందినందున చట్టంలో కోర్టు జోక్యం చేసుకోదని ధర్మానసం వివరించింది.
ఎద్దుల బండ్ల పందేలను అనుమతించే ఇతర రాష్ట్రాల చట్టాల చెల్లుబాటును సవాలు చేస్తూ దాఖలైన అన్ని పిటిషన్లను సుప్రీంకోర్టు తోసిపుచ్చింది.