Tamilnadu: తమిళనాడులో ఘోర రోడ్డు ప్రమాదం.. ప్రమాదంలో ఐదుగురు సజీవదహనం
ఈ వార్తాకథనం ఏంటి
తమిళనాడులో తీవ్ర రోడ్డు ప్రమాదం చోటుచేసుకుంది. బుధవారం తెల్లవారుజామున కరూర్ జిల్లా కుళితలైలో, కరూర్-తిరుచ్చి జాతీయ రహదారిపై బస్సు, కారు ఎదురెదురుగా ఢీకొన్నాయి.
ఈ ఘోర ప్రమాదంలో కారు పూర్తిగా దగ్ధమైపోయింది. కారులో ప్రయాణిస్తున్న ఐదుగురు వ్యక్తులు సజీవదహనమయ్యారు, వీరిలో ఇద్దరు మహిళలు ఉన్నారు.
ప్రమాద సమాచారం అందుకున్న ముసిరి పోలీసులు, అగ్నిమాపక సిబ్బంది వెంటనే సంఘటనా స్థలానికి చేరుకుని సహాయక చర్యలు ప్రారంభించారు.
ఫైర్ సిబ్బంది సుమారు గంట పాటు శ్రమించి మంటలను అదుపు చేశారు.
వివరాలు
అతివేగమే ఈ ఘోర ప్రమాదానికి కారణం
అనంతరం మంటలు ఆర్పిన తర్వాత, మృతదేహాలను కారులో నుంచి బయటకు తీశారు.
పోలీసులు మృతదేహాలను స్వాధీనం చేసుకుని పోస్ట్‌మార్టం కోసం ఆసుపత్రికి తరలించారు.
మరణించిన వారి వివరాలు ఇంకా నిర్ధారణ కాలేదు. ఈ ఘటన వల్ల కరూర్-తిరుచ్చి జాతీయ రహదారిపై భారీగా ట్రాఫిక్ నిలిచిపోయింది.
కిలోమీటర్ల మేర వాహనాలు నిలిచిపోయాయి. అరంతంగి నుంచి తిరుపూర్ వెళ్తున్న ప్రభుత్వ బస్సును కారు ఢీకొట్టడంతో ప్రమాదం జరిగింది.
పోలీసుల ప్రాథమిక దర్యాప్తు ప్రకారం, అతివేగమే ఈ ఘోర ప్రమాదానికి కారణంగా నిర్ధారించారు.