Telangana: 'గవర్నర్ ప్రతిభా పురస్కారాలు-2024' అవార్డు ప్రకటించిన తెలంగాణ గవర్నర్ కార్యాలయం
ఈ వార్తాకథనం ఏంటి
తెలంగాణ గవర్నర్ కార్యాలయం తాజాగా ప్రకటించిన గవర్నర్ ప్రతిభా పురస్కారాలు-2024 అవార్డులను వివిధ రంగాల్లో సేవలు అందించిన వ్యక్తులు, సంస్థలకు ప్రదానం చేయనున్నట్లు వెల్లడించింది. ఈ అవార్డుల కోసం మొత్తం 8 మంది ఎంపికయ్యారు. ఈ అవార్డులను జనవరి 26న, గణతంత్ర దినోత్సవం వేడుకల సందర్భంగా తెలంగాణ గవర్నర్ జిష్ణుదేవ్ వర్మ అందించనున్నారు. ఈ అవార్డులు నాలుగు ప్రధాన రంగాల్లో - పర్యావరణ పరిరక్షణ, దివ్యాంగుల సంక్షేమం, క్రీడలు, మరియు సాంస్కృతిక విభాగాలకు చెందిన వ్యక్తులు, సంస్థలకు ప్రదానం చేయబడతాయి. గత ఐదేళ్లుగా ఉత్తమ సేవలు అందించిన వ్యక్తులు, సంస్థలు ఈ అవార్డులకు ఎంపికయ్యారని రాష్ట్ర గవర్నర్ ముఖ్య కార్యదర్శి బుర్రా వెంకటేశం తెలిపారు.
వివరాలు
అవార్డులకు ఎంపికైన వ్యక్తులు, సంస్థలు:
వ్యక్తులు: దుశర్ల సత్యనారాయణ అరికపూడి రఘు పారా ఒలింపిక్ విజేత జీవాంజి దీప్తి ప్రొఫెసర్ ఎం పాండురంగారావు - పిబి కృష్ణభారతి (సంయుక్తంగా) సంస్థలు: ధ్రువాంశు ఆర్గనైజేషన్ ఎల్వీ ప్రసాద్ కంటి ఆస్పత్రి ఆదిత్య మెహతా ఫౌండేషన్ సంస్కృతి ఫౌండేషన్ ఈ అవార్డు కింద ఎంపికైన వ్యక్తులకు, సంస్థలకు రూ. 2 లక్షల నగదు, జ్ఞాపిక అందజేయబడుతుంది.