Tgsrtc: తెలంగాణ ఆర్టీసీలో మోగనున్న సమ్మె సైరన్.. నోటీసు ఇవ్వనున్న కార్మిక సంఘాలు..
ఈ వార్తాకథనం ఏంటి
తెలంగాణలోని ఆర్టీసీ కార్మికులు తమ సమస్యలకు తక్షణ పరిష్కారం కావాలని కోరుతూ దాదాపు నాలుగేళ్ల విరామం తరువాత మరోసారి సమ్మె మార్గాన్ని ఎంచుకున్నారు. ఈ క్రమంలో, నేడు బస్ భవన్‌లో ఆర్టీసీ ఎండీ సజ్జనార్‌కు కార్మిక సంఘాల నాయకులు సమ్మె నోటీసులు అందించనున్నట్లు సమాచారం. ఈ కార్యక్రమానికి భారీ సంఖ్యలో ఉద్యోగులు హాజరుకావాలని రాష్ట్రవ్యాప్తంగా కార్మికులకు ఆర్టీసీ జేఏసీ పిలుపునిచ్చింది.
వివరాలు
కార్మిక సంఘాల ప్రధాన డిమాండ్లు:
హక్కుల ఉల్లంఘనపై ఆరోపణలు: కార్మికుల హక్కులను కాలరాస్తున్నారని కార్మిక సంఘాల నేతలు విమర్శించారు. పెండింగ్ సమస్యలు: సర్వీసులో ఉన్న ఉద్యోగుల సమస్యలు సరైన పరిష్కారం పొందకపోవడం, రిటైర్డ్ ఉద్యోగుల సమస్యలు ఇంకా పెండింగ్‌లో ఉండటం. బకాయిల చెల్లింపులు: పెద్ద మొత్తంలో బకాయిలు పెండింగ్‌లో ఉన్నాయని, వాటిని ఇప్పటికీ చెల్లించలేదని పేర్కొన్నారు. పే స్కేల్ పెంపు: పే స్కేల్ పెంపు విషయంలో ఇప్పటివరకు చర్యలు తీసుకోలేదని నెపాలు మోపారు. డీఏ బకాయిలు: డీఏ చెల్లింపులు పెండింగ్‌లో ఉండటం కార్మికులకు తీవ్రంగా అడ్డంకిగా మారిందని తెలిపారు. యూనియన్ల ఏర్పాటు: యూనియన్ల ఏర్పాటుపై ప్రభుత్వం నిర్లక్ష్య ధోరణిని ప్రదర్శించడం. ఆర్టీసీ విలీనం: ఆర్టీసీని ప్రభుత్వంలో విలీనం చేసే విషయాన్ని ప్రభుత్వం విస్మరించిందని ఆరోపణ.
వివరాలు
ప్రభుత్వ హామీల అమలలో నిర్లక్ష్యం
సమాన జీతాలు: ప్రభుత్వ ఉద్యోగులకు సమానంగా జీతాల సవరణకు ఇచ్చిన హామీని అమలు చేయలేదని ఆగ్రహం వ్యక్తం చేశారు. ఆర్టీసీ జేఏసీ ప్రకారం, హక్కుల సాధన, ఆర్ధిక సమస్యలు, అలాగే ప్రభుత్వ హామీల అమలలో నిర్లక్ష్యాన్ని ఎదుర్కొనేందుకు ఈ సమ్మె నోటీసు ఇవ్వడం జరుగుతుందని స్పష్టం చేశారు.