Hemant Soren : సీఎం హేమంత్ సోరెన్ సన్నిహితుడి ఇంట్లో ఈడీ సోదాలు
ఈ వార్తాకథనం ఏంటి
జార్ఖండ్ ముఖ్యమంత్రి హేమంత్ సోరెన్ (Hemant Soren) సన్నిహితుడి ఇంట్లో ఎన్‌ఫోర్స్‌మెంట్ డైరెక్టరేట్ (ఈడీ) సోదాలు నిర్వహిస్తోంది.
అక్రమ మైనింగ్ కు కేసుకు సంబంధించి జార్ఖండ్‌లోని 12 ప్రాంతాల్లో ఈడీ (ED) బుధవారం తెల్లవారుజాము నుంచి సోదాలు నిర్వహిస్తన్నట్లు సమాచారం.
ముఖ్యమంత్రి హేమంత్ సోరెన్ మీడియా సలహాదారు అభిషేక్‌ ప్రసాద్‌ ఇళ్లల్లోనూ సోదాలు కొనసాగుతున్నట్లు జాతీయ మీడియా కథనాలు వెల్లడించాయి.
ఇక హజారీబాగ్, డిప్యూటీ ఎస్పీ రాజేంద్ర దుబే, సాహిబ్ గంజ్, జిల్లా కలెక్టర్ రామ్ నివాస్ నివాసాల్లో సోదాలు జరుగుతున్నాయి.
Details
మా ప్రభుత్వాన్ని ఇబ్బంది పెట్టేందుకు ఈడీ ప్రయత్నిస్తోంది: హేమంత్ సోరెన్
అయితే మనీలాండరింగ్ కేసులో సంబంధాలు ఉన్నాయని ఆరోపిస్తూ హేమంత్ సోరెన్‌కు గతంలో ఈడీ పలుమార్లు నోటీసులు జారీ చేసింది.
గనులు, భూగర్భ శాఖలను నిర్వహిస్తున్న సీఎం తనకు తానే మైనింగ్ లీజులు ఇచ్చుకుని ఎన్నికల నిబంధనలను ఉల్లంఘించారని ఆరోపించారు.
ఇక వీటిని తిరస్కరిస్తూ ఆయన దాఖలు చేసిన పిటిషన్‌ను ఇటీవల సుప్రీంకోర్టు కొట్టివేసింది. దీనిపై జార్ఖండ్ హైకోర్టుకు వెళ్లాలని సూచించింది.
తన ప్రభుత్వాన్ని ఇబ్బంది పెట్టేందుకు ఈడీ ప్రయత్నిస్తోందని సోరెన్ ఆరోపించారు.