TSRTC: 'బాలాజీ దర్శనం' ప్యాకేజీకి విశేష స్పందన; తిరుమలకు 1.14 లక్షల మంది భక్తులు
తెలంగాణ రాష్ట్ర రోడ్డు రవాణా సంస్థ (టీఎస్‌ఆర్టీసీ) పోర్టల్‌లో అందుబాటులో ఉన్న తిరుమల తిరుపతి దేవస్థానం (టీటీడీ) స్పెషల్ ఎంట్రీ దర్శన్ టోకెన్‌కు భక్తుల నుంచి మంచి స్పందన వస్తోంది. ప్రారంభించిన ఎనిమిది నెలల్లోనే 'బాలాజీ దర్శన్' ప్యాకేజీ కింద 1.14 లక్షల మంది దర్శన టిక్కెట్‌లతో పాటు బస్సు టిక్కెట్లను బుక్ చేసుకున్నారు. టీడీపీ అధికారుల సౌజన్యంతో ఆర్టీసీ ఈ ఏడాది జూలైలో తన వెబ్‌సైట్ (www.tsrtconline.in)లో రూ.300 ప్రత్యేక దర్శన టోకెన్‌లను ప్రవేశపెట్టినప్పటి నుంచి, చాలా మంది ప్రయాణికులు ప్రతిరోజూ ప్రత్యేక దర్శన టోకెన్‌లతో పాటు బస్సు టిక్కెట్లను బుక్ చేస్తున్నారు. రోజుకు దాదాపు 1,000 ప్రత్యేక దర్శన టిక్కెట్లను ఇచ్చేలా టీటీడీతో టీఎస్‌ఆర్టీసీ ఒప్పందం కుదుర్చుకుంది.
వారం రోజుల ముందుగానే రిజర్వేషన్‌ చేసుకోవాలి: టీఎస్‌ఆర్టీసీ ఛైర్మన్
తిరుమల తిరుపతి దేవస్థానం (టీడీపీ) బోర్డు ఛైర్మన్ వైవీ సుబ్బారెడ్డి మద్దతుతో టీఎస్‌ఆర్టీసీ ఛైర్మన్ బాజిరెడ్డి గోవర్ధన్ ప్రత్యేక చొరవ తీసుకుని ఆర్టీసీ బస్సులలో ప్రయాణించే ప్రయాణికులకు టిక్కెట్‌తో పాటు రూ.300 స్పెషల్ ఎంట్రీ దర్శనం టిక్కెట్లను అందించడానికి ఒప్పందం కుదుర్చుకున్నారు. రాష్ట్రంలోని వివిధ ప్రాంతాల నుంచి గత ఎనిమిది నెలల్లో సుమారు 1,14,565 మంది ప్రయాణికులను సురక్షితంగా తిరుమలకు తీసుకెళ్లి వారి గమ్యస్థానాలకు చేరుకున్నట్లు టీఎస్‌ఆర్టీసీ ఛైర్మన్ బాజిరెడ్డి గోవర్ధన్ పేర్కొన్నారు. ఈ బస్సులకు కనీసం వారం రోజుల ముందుగానే రిజర్వేషన్‌ చేసుకోవాలని చెప్పారు. బస్ ప్యాకేజీ కోసం ఆన్‌లైన్‌లో www.tsrtconline.in లాగిన్ చేయవచ్చు లేదా బుకింగ్ కౌంటర్లకు కనీసం ఒక వారం ముందు వెళ్లి టికెట్‌ను బుక్ చేసుకోవచ్చు.
