UttarPradesh: సోదరుడికి కిడ్నీ దానం చేసిన భార్య.. ట్రిపుల్ తలాక్ చెప్పేసిన భర్త
ఈ వార్తాకథనం ఏంటి
భారతదేశంలోని ఉత్తర్ ప్రదేశ్ రాష్ట్రంలో అమానుషం చోటు చేసుకుంది. ఈ మేరకు భార్య కిడ్నీ దానం చేసిన కారణంగా ఆమెకు విడుకులు ఇచ్చేశాడో భర్త.
details
ట్రిపుల్ తలాక్ చట్టవిరుద్ధం
ఆపదలో ఉన్న తన సోదరుడ్ని ఎలాగైనా రక్షించుకోవాలన్న తాపత్రయంతో కిడ్నీ దానం చేసిన సోదరికి ఆమె భర్త విడాకులు ఇవ్వడం కలకలం సృష్టిస్తోంది. బాధిత మహిళ ఫిర్యాదు మేరకు పోలీసులు కేసు నమోదు చేసుకున్నారు. ఈ క్రమంలోనే నిందితుడిపై చట్టపరమైన చర్యలు తీసుకుంటామని పేర్కొన్నారు. 2019లో దేశంలో ట్రిపుల్ తలాక్ ఆచారం చట్టవిరుద్ధమని, రాజ్యాంగ విరుద్ధమని కేంద్రం ప్రకటించింది. ముస్లిం మహిళల (వివాహంపై హక్కుల పరిరక్షణ) చట్టం ప్రకారం ట్రిపుల్ తలాక్ నిషేధించబడింది. ఒకవేళ ఉల్లంఘిస్తే దాదాపుగా మూడు సంవత్సరాల వరకు జైలు శిక్షను విధిస్తారు.
details
మహిళను కోర్టు విచారిస్తే..
ముందస్తు బెయిల్ మంజూరు చేయడానికి ముందు ఫిర్యాదు చేసిన మహిళను కోర్టు విచారిస్తే, అటువంటి కేసుల్లో ముందస్తు బెయిల్ మంజూరు చేయడంలో ఎలాంటి అడ్డంకి లేదని సుప్రీంకోర్టు గతంలోనే పేర్కొంది. తాజా కేసుతో ట్రిపుల్ తలాక్, యూనిఫాం సివిల్ కోడ్ ఆవశ్యకతపై మళ్లీ చర్చకు దారితీసింది. దీనిపై చర్చించేందుకు ప్రభుత్వం ఇప్పటికే కమిటీలను ఏర్పాటు చేసింది. యూనిఫాం సివిల్ కోడ్ అంటే దేశంలోని పౌరులందరికీ మతం ఆధారంగా లేని ఉమ్మడి చట్టాన్ని కలిగి ఉండటం. వారసత్వం, దత్తత, వారసత్వానికి సంబంధించిన వ్యక్తిగత చట్టాలు సాధారణ కోడ్ ద్వారా కవర్ చేయబడే అవకాశం ఉంది.