Vaishno Devi Temple: వైష్ణోదేవి ఆలయంలో భద్రతా వైఫల్యం.. పిస్టోల్‌తో ఆలయంలోకి ప్రవేశించిన మహిళ
ఈ వార్తాకథనం ఏంటి
జమ్మూలోని ప్రసిద్ధ ఆధ్యాత్మిక స్థలం శ్రీ మాతా వైష్ణోదేవి ఆలయంలో తీవ్ర భద్రతా లోపం బయటపడింది. ఒక మహిళ భద్రతా తనిఖీలను తప్పించుకుని, పిస్టోలుతో ఆలయంలోకి ప్రవేశించిన ఘటన ఆలస్యంగా వెలుగులోకి వచ్చింది. పోలీసులు అందించిన సమాచారం ప్రకారం, మార్చి 15న ఓ మహిళ తన వద్ద పిస్టోల్‌తో వైష్ణోదేవి ఆలయంలోకి వెళ్లింది. ఈ విషయాన్ని ఆలయ అధికారులు గమనించగానే వెంటనే ఆమెను అదుపులోకి తీసుకొని, ఆయుధాన్ని స్వాధీనం చేసుకున్నారు. విచారణలో ఆమె ఢిల్లీలో పోలీస్‌స్టేషన్‌లో విధులు నిర్వహిస్తున్న జ్యోతి గుప్తాగా గుర్తించారు.
వివరాలు
ఆలయ భద్రతా విభాగంపై అనేక ప్రశ్నలు
గడువు ముగిసిన లైసెన్స్ ఉన్న తుపాకిని ఆలయంలోకి తీసుకురావడంపై ఆమెపై కేసు నమోదు చేసినట్లు పోలీసులు వెల్లడించారు. ఈ ఘటన ఆలయ భద్రతా విభాగంపై అనేక ప్రశ్నలు లేవనెత్తింది. భక్తులు భద్రతా చర్యల పట్ల తీవ్ర అసంతృప్తి వ్యక్తం చేస్తూ, మహిళ ఆలయం లోపలికి ప్రవేశించే వరకు భద్రతా సిబ్బంది ఎందుకు అప్రమత్తంగా వ్యవహరించలేకపోయారని విమర్శిస్తున్నారు.