YS Sunitha: ఏపీ హోంమంత్రి అనితతో వైఎస్ సునీత భేటీ
దివంగత వైఎస్ వివేకానందరెడ్డి కుమార్తె వైఎస్ సునీత బుధవారం ఆంధ్రప్రదేశ్ హోంమంత్రి వంగలపూడి అనితను కలిశారు. వైఎస్ వివేక హత్య కేసు దర్యాప్తును వేగవంతం చేసేలా చర్యలు తీసుకోవాలని విజ్ఞప్తి చేశారు. వివేకానందరెడ్డికి న్యాయం జరిగేలా చర్యలు తీసుకోవాలని మంత్రి అనితను మంత్రి సునీత కోరారు. విచారణ ప్రక్రియ అంతటా కేసును పలుచన చేసే ప్రయత్నం కొనసాగుతోందని ఆమె ఆందోళన వ్యక్తం చేశారు. అంతేకాకుండా,ఈకేసులో సీబీఐ అధికారులు,సాక్షులు బెదిరింపులకు గురయ్యారని,దర్యాప్తును అడ్డుకునేందుకు తమపై తప్పుడు కేసులు పెట్టారని సునీత వెల్లడించారు. ప్రస్తుతం జరుగుతున్నసీబీఐ విచారణకు సహకరించేందుకు ప్రభుత్వం పూర్తిగా కట్టుబడి ఉందని మంత్రి అనిత సునీతకు హామీ ఇచ్చారు.
