China: చైనాలో ఒకేలాంటి ముఖాలు ఉన్న 500 మంది.. ఇది ఎలా సాధ్యమైందంటే..
నేటి ఆధునిక ప్రపంచంలో ప్రతిదీ సాధ్యమే అని చెబితే, మీరు నమ్మకపోవచ్చు, కానీ ప్రతిరోజూ వస్తున్న వింత కేసులు మనల్నివిస్మయానికి గురి చేయడమే కాదు ..అది ఎలా సాధ్యం అవుతుంది , అని కూడా ప్రశ్నింపజేస్తుంది? కాగా,చైనా నుంచి ఓ ఆశ్చర్యకరమైన కేసు వెలుగులోకి వచ్చింది. ఇక్కడ ఒక బేబీ-ఫేస్డ్ బ్యూటీస్ ఒపీనియన్ లీడర్ (KOL) తన క్లినిక్‌లో కాస్మెటిక్ సర్జరీ ద్వారా ఒకేలా కనిపించేలా 500 కంటే ఎక్కువ మంది అభిమానులను ప్రేరేపించింది.
ఓ మహిళ శస్త్రచికిత్స కోసం కోటి రూపాయలకు పైగా ఖర్చు చేసింది
శస్త్రచికిత్స ద్వారా, ప్రజలు పెద్ద కళ్ళు, తక్కువ కనురెప్పలు, చిన్న గడ్డం ఉన్న పిల్లల లాంటి ముఖాన్ని సృష్టించారు. తూర్పు చైనాలోని జెజియాంగ్ ప్రావిన్స్‌కు చెందిన 30 ఏళ్ల వాంగ్ జింగ్, ఈ శస్త్రచికిత్స చేయించుకోవడానికి 10 లక్షల యువాన్లు (రూ. 1 కోటి కంటే ఎక్కువ) ఖర్చు చేసినట్లు వెల్లడించింది. శస్త్రచికిత్స అనుభవాన్ని చైనా సోషల్ మీడియా ప్లాట్‌ఫామ్ డౌయిన్‌ వాంగ్ వీడియోలో పంచుకున్నారు.
చాలా సెషన్‌లు, బాధను భరించిన తర్వాత అందమైన ముఖం వచ్చింది - వాంగ్
"శస్త్రచికిత్స ప్రారంభ దశలలో, నా ముఖం అసమానంగా, ఎగుడుదిగుడుగా ఉంది. కానీ అనేక సెషన్ల తర్వాత, నేను చివరకు పిల్లలలాంటి ముఖాన్ని సాధించాను" అని వాంగ్ వీడియోలో చెప్పింది. శస్త్రచికిత్సా ప్రక్రియ కారణంగా తాను చాలా నొప్పిని భరించవలసి వచ్చిందని.. ఆమె ముఖం సెట్ కావడానికి చాలా సమయం పట్టిందని ఆమె పేర్కొంది. ఆమె కూడా చాలా సెషన్స్ చేయించుకోవాల్సి వచ్చింది, కానీ ఇప్పుడు ఆమె అందమైన ముఖంతో చాలా సంతోషంగా ఉంది.
వాంగ్ ముఖంతో పాటు భుజాలకు కూడా శస్త్రచికిత్స జరిగింది
38,888 యువాన్లు (రూ. 4 లక్షలకు పైగా) ఖర్చవుతుందని, ఆమె ముఖం బొద్దుగా ఉండటానికి మూడు హైలురోనిక్ యాసిడ్ ఇంజెక్షన్లు ఇచ్చారని వాంగ్ చెప్పారు. ఇది కాకుండా, వాంగ్ తన భుజాలకు శస్త్రచికిత్స కూడా చేయించుకుంది. బేబీ ఫేస్డ్ కాస్మెటిక్ మెడికల్ క్లినిక్‌ని ఇన్‌ఫ్లుయెన్సర్ నడుపుతున్నారని సౌత్ చైనా మార్నింగ్ పోస్ట్ నివేదించింది. ఆమె ఖాతాదారులతో చర్చిస్తుంది, శస్త్రచికిత్స ఫలితంగా మారిన ముఖం గురించి వివరిస్తుంది.
పిల్లల ముఖ శస్త్రచికిత్సకు మద్దతు
డౌయిన్‌పై వాంగ్ అభిమానుల్లో ఒకరైన జింగ్‌జింగ్ అనే మహిళ మాట్లాడుతూ, శిశువు ముఖం పొందడానికి తాను 60,000 యువాన్లు (రూ. 7 లక్షలకు పైగా) వెచ్చించానని చెప్పారు. "నేను చివరకు వాంగ్ లాగా ఉన్నాను. ముఖానికి శస్త్రచికిత్స చేసిన తర్వాత, నేను కూడా అందంగా, ఉండగలనని గ్రహించాను" అని జింగ్‌జింగ్ సోషల్ మీడియా ప్లాట్‌ఫామ్ జియాహోంగ్ష్‌లో షేర్ చేసిన పోస్ట్‌లో రాశారు.
ఈ సర్జరీపై విమర్శలు
చాలా మంది తమ అనుభవాలను సోషల్ మీడియాలో బేబీ ఫేస్డ్ సర్జరీకి సపోర్టు చేస్తుండగా, చాలా మంది వ్యతిరేకిస్తున్నారు. జింగ్‌జింగ్ పోస్ట్‌లోని వ్యాఖ్యల విభాగంలో, ఒక వినియోగదారు ఇలా వ్రాశారు, "శస్త్రచికిత్స ప్రజలను అందంగా మార్చినప్పటికీ, సారూప్య ముఖాలు వ్యక్తులు వారి స్వంత వ్యక్తిత్వాన్ని కోల్పోయేలా చేస్తున్నాయి. ఇది ఒక భయంకరమైన దృగ్విషయం." 'డబ్బు వృధా అయి గుర్తింపు కూడా పోతుంది' అని మరో వ్యక్తి రాశాడు.
