Heart Attack : గాలి కాలుష్యంతో గుండెపోటు వస్తుందని తెలుసా.. ఈ 7 చిట్కాలు పాటించాల్సిందే
ఈ వార్తాకథనం ఏంటి
దిల్లీలో వాయుకాలుష్యం విపరీత స్థాయికి మించి పెరిగిపోవడం రాజధాని వాసులతో పాటు దేశ వ్యాప్తంగా ఆందోళన వ్యక్తమవుతోంది.
మరోవైపు దీపావళి పండుగ సందర్భంగా పెరిగే కాలుష్యానికి అద్దే ఉండదు. బాణసంచా కారణంగా తీవ్రమైన కాలుష్యానికి కారణంగా మారుతుందని పర్యావరణవేత్తలు ఆందోళన చెందుతున్నారు.
ఇదే సమయంలో వాయు కాలుష్యం తీవ్రమైన అనారోగ్య సమస్యలకు దారి తీస్తుందని వైద్య నిపుణులు హెచ్చరిస్తున్నారు.
ఊపిరితిత్తులపైనా తీవ్ర ప్రభావాన్ని చూపిస్తుందని, గుండెకూ చెడు చేస్తుందని అంటున్నారు. వాయు కాలుష్యం హృద్రోగ సమస్యలకు కారణమంటున్నారు.
దీర్ఘకాలం పాటు వాయుకాలుష్యంతో గుండెపోటు, గుండె సంబంధిత సమస్యలు ఎదుర్కోవాల్సి వస్తుందని 'నేషనల్ సెంటర్ ఫర్ బయోటెక్నాలజీ ఇన్ఫర్మేషన్' వెల్లడించింది.
కలుషిత గాలితో శరీరంలోని కణాలు రక్తంలోకి చేరి గుండె వరకు చేరుకుంటాయని పేర్కొంది.
details
ఎక్కువకాలం వాయు కాలుష్యంతో ఉంటే గుండె పోటు ముప్పు
ఇలాగే దీర్ఘకాలం పాటు వాయు కాలుష్యం కొనసాగితే గుండె పోటు ముప్పు ఎక్కువేనంటున్నారు వైద్య ఆరోగ్య నిపుణులు.
1. వాయు కాలుష్యంతో రక్తం గడ్డకట్టే ప్రమాదం
2. శరీరంలోని ఇతర భాగాలకు రక్తం అందించేందుకు రక్తాన్ని వేగంగా పంప్ చేయాల్సి పరిస్థితిలో రక్తపోటు పెరుగుతుంది.
3.దీంతో గుండె కండరాల్లో ఒత్తిడి పెరిగి వ్యాకోచిస్తాయి. ఈ మేరకు హార్ట్‌బీట్‌ను నియంత్రించే ఎలక్ట్రికల్ సిస్టం దెబ్బతింటుంది.
4. ఈ క్రమంలోనే హార్ట్ రేట్ అదుపుతప్పి హార్ట్ ఫెయిల్యూర్ జరిగే ముప్పు పొంచి ఉంటుంది.
5. హృద్రోగ బాధితుల్లో హార్ట్ ఎటాక్ ముప్పు ఎక్కువ.
6. కాలుష్యం గుండెకు ప్రధాన శత్రువు
7. కాలుష్యం రక్త నాళాలను కుంచిస్తుంది. దీంతో రక్త సరఫరాలో ఇబ్బందులు తలెత్తే అవకాశం.
details
మద్యపానం, ధూమపానం, మాంసపానం అలవాట్లకు దూరం ఉండాలన్న నిపుణలు
కాలుష్యాన్ని తప్పించడమెలా..
వాయు కాలుష్యం నుంచి దూరంగా ఆరోగ్యంగా జీవించాలంటే రోగ నిరోధక శక్తిని పెంచుకోవాలి. ఫలితంగా రోగాలతో పోరాడేందుకు శరీరానికి అందాల్సిన రోగ నిరోధక శక్తి అందుతుంది.
ఆహారంలో విటమిన్స్, మినరల్స్ సమృద్ధిగా అందేలా చర్యలు తీసుకోవాలి. ఆకు కూరగాయలు, తృణ ధాన్యాలు ఆహారంలో భాగం చేసుకోవాలి.
తగినంత నీటిని తీసుకుంటూనే, గోరువెచ్చని నీటిని సేవిస్తుండాలి. వీటితో పాటు వ్యాయామం తప్పనిసరి.
స్వచ్ఛమైన గాలి లభించే చోట వ్యాయామం చేయడం శ్రేయస్కరం. వెలుపల కాలుష్యం ఎక్కువగా ఉందనిపిస్తే ఇంట్లోనే చేసుకోవాలి.
చెడు అలవాట్లు మద్యపానం, ధూమపానం, మాంసపానం అలవాట్లకు దూరంగా ఉండటం చాలా మంచిదని నిపుణలు వెల్లడించారు.