PAN: ఆన్‌లైన్‌లో పాన్ కార్డు పొందాలా? ఈ సింపుల్ ప్రాసెస్ మీకోసమే!
ఈ వార్తాకథనం ఏంటి
పర్మినెంట్ అకౌంట్ నంబర్ (PAN) లేకుండా పెద్ద మొత్తంలో ఫైనాన్షియల్ లావాదేవీలు చేయడం అసాధ్యం. పాన్ అనేది పన్ను సంబంధిత ప్రయోజనాలు పొందడంలో, లావాదేవీలను ట్రాక్ చేయడంలో కీలకంగా మారింది. భారత ఆదాయ పన్ను శాఖ అందరికీ 10 అంకెల ఆల్ఫాన్యూమరిక్ కోడ్‌ను జారీ చేస్తుంది. ఇది పన్ను చెల్లింపుదారులకు నిర్బంధం. ఆధార్ ఆధారంగా ఇప్పుడు ప్రతి ఒక్కరూ ఆన్‌లైన్‌లోనే పాన్ కార్డ్ పొందొచ్చు. అయితే సులభంగా ఇ-పాన్ (e-PAN) కూడా పొందే అవకాశం ఉంది. పాన్ కార్డును ముద్రించడం, పంపించడం వంటి పద్ధతుల వల్ల కొంత సమయం పడుతుంది. కానీ ఈ సమస్యను తొలగించేందుకు ప్రభుత్వం అందిస్తున్న e-PAN మాత్రం క్షణాల్లోనే సిద్ధమవుతుంది.
Details
పీడీఎఫ్ ఫార్మాట్ లో ఉచితంగా డౌన్ లోడ్ చేసుకోవచ్చు
ఎలక్ట్రానిక్ పద్ధతిలో జారీ చేసే ఈ e-PAN డిజిటల్ వెర్షన్ రూపంలో ఉంటుంది. దీన్ని పీడీఎఫ్ ఫార్మాట్‌లో ఉచితంగా డౌన్‌లోడ్ చేసుకోవచ్చు. e-PAN సౌలభ్యాలు e-PAN వల్ల కేవలం ఆధార్ కార్డ్, లింక్ అయిన మొబైల్ నంబర్ మాత్రమే ఉంటే సరిపోతుంది. పేపర్‌లెస్ ప్రాసెస్ కావడం వల్ల, ఇది ఎంతో వేగంగా, సులభంగా లభిస్తుంది. ఇది పన్ను చెల్లింపుల్లో, ఫైనాన్షియల్ లావాదేవీల్లో, KYC ప్రాసెస్‌లో చెల్లుబాటు అవుతుంది. ఇన్స్టంట్ e-PAN సర్వీస్‌ ఆధార్ కార్డు కలిగిన ప్రతి ఒక్కరికీ అందుబాటులో ఉంటుంది. పాన్ కార్డు లేని వారికి మాత్రమే ఇది సమర్ధంగా పనిచేస్తుంది. ఆన్‌లైన్‌లో దీనిని ఉచితంగా పొందవచ్చు
Details
డౌన్ లోడ్ చేసుకొనే విధానం
1. ఆదాయ పన్ను శాఖ వెబ్‌సైట్‌లోకి వెళ్లండి. 2. 'ఇన్స్టంట్ ఇ-పాన్' ఆప్షన్‌ను సెలక్ట్ చేయండి. 3. మీ ఆధార్ నంబర్ ఎంటర్ చేసి, మిగిలిన సమాచారం పూరించండి. 4. ఆధార్‌తో లింక్ అయిన మొబైల్ నంబర్‌కి వచ్చే OTP ఎంటర్ చేయండి. 5. మీ వివరాలు ధృవీకరణ తరువాత, రిసీప్ట్ నంబర్ వస్తుంది. దీన్ని భద్రంగా ఉంచుకోండి. 6. వెంటనే మీ e-PANని డౌన్‌లోడ్ చేసుకోవచ్చు.