ప్రేరణ: ఓటమిని గురువుగా చేసుకోవడం అలవాటైతే విజయం తొందరగా వస్తుంది
ఈ వార్తాకథనం ఏంటి
నువ్వు పోలీస్ ఆఫీసర్ కావాలని కలలు కంటున్నావ్ అనుకుందాం. అప్పటివరకూ పోటీ పరీక్ష రాసిన అనుభవం లేదు. అయినా కూడా ఎంతగానో ట్రై చేసావ్. కానీ జాబ్ రాలేదు. అంటే నువ్వు ఓడిపోయావన్నమాట.
ఈ టైమ్ లో నువ్వు జాబ్ రాలేదని ఫీలైపోయి చదవడం ఆపేసావనుకో. నీకు జాబ్ ఎప్పటికీ రాదు. ఏ విజయం కూడా అంత తొందరగా రాదు.
మొదటి ప్రయత్నంలోనే గెలిచేవాళ్ళు చాలా తక్కువ మంది ఉంటారు. వాళ్ళకు నీకన్నా ఎక్కువ తెలివి ఉండటమో, ఎక్కువ డబ్బు ఉండటమో ఇంకా ఎన్నో కారణాలు కావచ్చు.
వాళ్ళకు వచ్చింది నీకు రాలేదని నువ్వు వదిలేస్తే, నీలాగే మొదటి ప్రయత్నంలో ఫెయిలై, రెండవ ప్రయత్నంలో తన తప్పులను సరిదిద్దుకుని పరీక్ష రాసినవాడు పాసైపోతాడు.
Details
మొదటి ప్రయత్నమే చివరి ప్రయత్నం కాకూడదు
ఇక్కడ నువ్వు అర్థం చేసుకోవాల్సింది ఏంటంటే, నీ ప్రయాణం కొత్తగా మొదలెట్టినపుడు నీకు ఎదురయ్యే మొదటి ఓటమే నీ మొదటి గురువు. సరిగ్గా నీకు గురువు కనిపించగానే నువ్వు విద్య నేర్చుకోవడం మానేస్తే నువ్వెలా గెలుస్తావు.
గురువు నేర్పిన పాఠాల్ని స్వీకరించి, తప్పులను సరిదిద్దుకుని నిన్ను నువ్వు మార్చుకుంటే నీలోంచి కొత్త వెలుగు బయటకు వస్తుంది.
అలాంటప్పుడే అనుకున్నది సాధించగలవు. లేదంటే నువ్వు ఏ రంగానికి వెళ్ళినా మొదటి ప్రయత్నంలో ఓడిపోయి వెనుదిరుగుతూనే ఉంటావు.
అప్పుడు నీ జీవితంలో విజయానికి చోటే ఉండదు. అందుకే విజయం రావాలంటే ఓపిక పట్టాలి. నువ్వు ఉదయంలో ఉండి సాయంత్రాన్ని అనుభవించాలనుకుంటే 12గంటలు వేచి చూడాల్సిందేనని గుర్తుంచుకోండి.