Pratima Puri: భారతదేశపు తోలి మహిళా టెలివిజన్ న్యూస్ రీడర్.. ఎవరంటే..?
ఈ వార్తాకథనం ఏంటి
ఆకర్షణీయమైన వ్యక్తిత్వం, శ్రావ్యమైన గాత్రం, సమకాలీన పరిజ్ఞానం - న్యూస్ రీడర్ కావాలనుకునే వారికి అవసరమైన ముఖ్యమైన లక్షణాలు ఇవే. ఈ రంగంలో పురుషులతో పోల్చితే మహిళలే ఎక్కువగా అవకాశాలు పొందుతున్నారని స్పష్టంగా చెప్పొచ్చు. ఏ టీవీ ఛానల్‌ను చూసినా వార్తలు చదివే మహిళల సంఖ్య అధికంగా ఉండడం ఈ విషయాన్ని రుజువు చేస్తుంది. అంతేకాకుండా, భారతీయ టెలివిజన్ చరిత్రలో తొలిసారిగా న్యూస్ రీడర్‌గా అవతరించిన వ్యక్తి కూడా ఒక మహిళ కావడం గర్వించదగిన విషయం. ఆమె ఎవరు? ఆమె జర్నీ ఎలా ప్రారంభమైంది? 'అంతర్జాతీయ మహిళా దినోత్సవం' 'విమెన్ హిస్టరీ మంత్' సందర్భంగా తెలుసుకుందాం.
వివరాలు
న్యూస్ ఛానల్‌ దృష్టిని ఆకర్షించిన ప్రతిమా!
న్యూస్ రీడర్‌గా ఎంపికయ్యే వ్యక్తికి ఆకర్షణీయమైన రూపం, మధురమైన స్వరం ఉండడం సహజంగా భావించబడుతుంది. 1965లో ఆలిండియా రేడియోలో భాగమైన దూరదర్శన్ వార్తా విభాగం న్యూస్ రీడర్ల ఎంపికలో ఇదే సూత్రాన్ని అనుసరించింది. దేశ ప్రజలకు టెలివిజన్ ద్వారా రోజువారీ వార్తలను అందించాలనే లక్ష్యంతో ఐదు నిమిషాల న్యూస్ బులెటిన్‌ను రూపొందించారు. ఈ తరుణంలో, సిమ్లాలో జన్మించి అక్కడి ఆలిండియా రేడియోలో అనౌన్సర్‌గా పనిచేస్తున్న ప్రతిమా పూరీ దూరదర్శన్ అధికారుల దృష్టిని ఆకర్షించారు. ఆమె మధురమైన గాత్రం, మెరిసే వ్యక్తిత్వం వారిని ముగ్ధులను చేసింది. దీంతో, ఆమెను తొలి న్యూస్ బులెటిన్‌ను చదవమని కోరారు. అలా భారతదేశపు తొలి టెలివిజన్ న్యూస్ రీడర్‌గా ప్రతిమా పూరీ చరిత్ర సృష్టించారు.
వివరాలు
ప్రత్యేక ఘట్టంగా యూరీ గగారిన్‌ ఇంటర్వ్యూ
1967 వరకు ఆమె ఈ బాధ్యతను విజయవంతంగా నిర్వహించారు. ఆ కాలంలో టెలివిజన్ కలిగి ఉన్న కుటుంబాలు అతి కొద్ది సంఖ్యలోనే ఉండేవి. 1972 వరకు దిల్లీ తప్ప మరెక్కడా టీవీ ప్రసారం అందుబాటులో లేదు. అయినప్పటికీ, జవహర్‌లాల్ నెహ్రూ వంటి నాయకులు ప్రతిమా చదివే వార్తలను ఎప్పటికప్పుడు చూస్తూ ఉండేవారు. న్యూస్ రీడర్‌గా మాత్రమే కాకుండా, ప్రతిమా పూరీ ఒక చరిత్రాత్మక ఇంటర్వ్యూకు సాక్షిగా నిలిచారు. ప్రపంచంలో తొలిసారి అంతరిక్షంలోకి వెళ్లిన యూరీ గగారిన్‌ను ఆమె వ్యక్తిగతంగా ఇంటర్వ్యూ చేయడం ప్రత్యేక ఘట్టంగా నిలిచింది. అంతేకాదు, ఆమె సినీ, రాజకీయ రంగాలకు చెందిన అనేక ప్రముఖులను ఇంటర్వ్యూకు ఆహ్వానించారు.
వివరాలు
శిక్షణలోనూ మేటి!
1967 తర్వాత, దూరదర్శన్ మరిన్ని న్యూస్ రీడర్లను నియమించాల్సిన అవసరం ఏర్పడింది. ఈ సందర్భంలో, న్యూస్ రీడర్‌గా మాత్రమే కాకుండా,కొత్త వారికి శిక్షణ ఇవ్వాల్సిన బాధ్యతను కూడా దూరదర్శన్ ప్రతిమా పూరీకి అప్పగించింది. ఆమె తర్వాత సల్మా సుల్తాన్ 1967లో న్యూస్ రీడర్‌గా ఆమె స్థానాన్ని భర్తీ చేశారు.అయినప్పటికీ,2007 వరకు దూరదర్శన్ కోసం ప్రతిమా పూరీ తన సేవలను అందిస్తూ మీడియా రంగంలో తనదైన ముద్రవేశారు. అసలు పేరుతో విద్యా రావత్గా జన్మించిన ఆమె,ప్రతిమా పూరీగా ఎంతో ప్రఖ్యాతి గడించారు. 2007లో ఆమె మరణించినప్పటికీ,భారతీయ మీడియా రంగంలో మహిళల తొలి ప్రాతినిధ్యంగా ఆమె చిరస్థాయిగా గుర్తింపు పొందారు.