Increase Prices: ఆర్థిక ఇబ్బందులు ఎదుర్కొంటున్న OpenAI.. చాట్‌జీపీటీ సబ్‌స్క్రిప్షన్ ధరలు పెంపు
ఈ వార్తాకథనం ఏంటి
OpenAI సంస్థ 2029 నాటికి చాట్‌జీపీటి సబ్‌స్క్రిప్షన్ ధరలను రెట్టింపు చేయాలని చూస్తోంది.
ఏఐ రంగంలో ప్రముఖమైన ఈ సంస్థ తన చాట్‌జీపీటీ ప్లస్ సబ్‌స్క్రిప్షన్‌ల కోసం ధరల పెంపు ప్రణాళికలను పరిశీలిస్తోంది.
ది న్యూయార్క్ టైమ్స్ నివేదిక ప్రకారం ప్రస్తుతం నెలకు $20గా ఉన్న సబ్‌స్క్రిప్షన్ రుసుమును ఈ ఏడాది చివరినాటికి $22కి పెంచే యోచనలో ఉంది.
ఇది 2029 నాటికి సబ్‌స్క్రిప్షన్ ధరను నెలకు $44కి పెంచే అవకాశాలు ఉన్నట్లు తెలుస్తోంది.
Details
రేట్లపై వినియోగదారుల అసంతృప్తి
OpenAI తన ఆర్థిక ఇబ్బందులను పరిష్కరించుకోవడానికి ఈ ధరల పెంపు చేపడుతోంది.
గత నెలలో సంస్థ $300 మిలియన్ల ఆదాయాన్ని సొంతం చేసుకుంది.
అయితే ఈ ఏడాది $5 బిలియన్ల నష్టాన్ని ఎదుర్కొంటుంది. AI శిక్షణ, కార్యాలయ నిర్వహణ, నియామకాలు వంటి ఖర్చులు సంస్థ మీద ప్రభావం చూపాయి.
ఇప్పటికే 10 మిలియన్ల మంది వినియోగదారులు చాట్‌జీపీటీ ప్లస్ సబ్‌స్క్రిప్షన్ కోసం నెలకు $20 రుసుము ఎక్కువగానే ఉందని భావిస్తున్నారు.
ఇప్పుడు రేట్లు పెంచితే వినియోగదారుల నుంచి తీవ్రమైన నిరసనలు వెల్లువెత్తే అవకాశం ఉంది.