XChat: వాట్సాప్'కు పోటీగా X చాట్‌ను ప్రారంభించిన మస్క్
ఈ వార్తాకథనం ఏంటి
స్మార్ట్‌ ఫోన్ ఉపయోగిస్తున్న ప్రతి ఒక్కరినీ ఆకర్షించే మెసేజింగ్ ప్లాట్‌ఫామ్ వాట్సాప్.
అయితే,ఇప్పుడు వాట్సాప్‌కు గట్టి పోటీగా ఓ కొత్త మెసేజింగ్ యాప్ మార్కెట్‌లోకి అడుగుపెట్టింది.
మెసేజింగ్ ప్రపంచంలోకి కొత్తగా ప్రవేశించిన ఈ ప్లాట్‌ఫామ్ పేరు XChat.
ఇది ఒక ఎన్‌క్రిప్టెడ్ మెసేజింగ్ సర్వీస్,దీన్ని ప్రముఖ టెస్లా CEO ఎలాన్ మస్క్ ప్రారంభించారు.
వినియోగదారుల అవసరాలను దృష్టిలో ఉంచుకుని ఇందులో పలు ప్రత్యేక ఫీచర్లు జోడించారు.
ముఖ్యంగా,దీన్ని వాడటానికి మొబైల్ నంబర్‌ను లింక్ చేయాల్సిన అవసరం లేదు.
ఎలాన్ మస్క్ స్వయంగా తన స్వంత సోషల్ మీడియా ప్లాట్‌ఫామ్ అయిన X ద్వారా XChatను అధికారికంగా లాంచ్ చేశారు.
ఈ సందర్బంగా ఆయన ఈ యాప్‌లో బిట్‌కాయిన్ స్థాయి ఎన్‌క్రిప్షన్ వాడినట్టు ప్రకటించారు.
వివరాలు
ఆల్-ఇన్-వన్ యాప్ గా XChat
ఎలాన్ మస్క్ లక్ష్యం Xను ఒక ఆల్-ఇన్-వన్ యాప్ గా అభివృద్ధి చేయడమే.
ఈ దిశగా తీసుకున్న తదుపరి అడుగు XChat. చైనాలో విస్తృతంగా వినియోగించబడుతున్న WeChat యాప్‌ను మాదిరిగానే ఇది కూడా మెసేజింగ్, చెల్లింపులు, మీడియా, డేటింగ్ వంటివన్నీ సమష్టిగా కలిపిన సౌకర్యాలు అందించే దిశగా ఉంది.
ఈ యాప్‌ను ఉపయోగించేందుకు మొబైల్ నంబర్ అవసరం లేకపోవడమే ప్రధాన విశేషం.
యూజర్లు నంబర్ జోడించకుండా కూడా మెసేజింగ్, ఆడియో/వీడియో కాల్స్, ఫైల్ షేరింగ్ వంటి ఫీచర్లను సులభంగా వినియోగించవచ్చు.
ప్రస్తుతం XChat పరీక్షా దశలో ఉంది. త్వరలో ఇది అన్ని వినియోగదారులకు అందుబాటులోకి రానుంది.
వివరాలు
XChat ప్రధాన ఫీచర్లు:
1. ఎండ్-టు-ఎండ్ ఎన్‌క్రిప్షన్: వినియోగదారుల గోప్యతకు అత్యధిక ప్రాముఖ్యత ఇచ్చిన XChat, బిట్‌కాయిన్ స్థాయి గణితపూర్వక ఎన్క్రిప్షన్‌ను అందిస్తోంది. దీని వల్ల హ్యాకర్లు సందేశాలను యాక్సెస్ చేయలేరు.
2. డిసప్పియరింగ్ మెసేజ్‌లు: వినియోగదారుల వ్యక్తిగతతను కాపాడేందుకు డిసప్పియరింగ్ మెసేజ్‌ల ఎంపికను అందిస్తున్నారు. దీన్ని ఎంపిక చేసిన తర్వాత మెసేజ్‌లు ఆటోమేటిక్‌గా డిలీట్ అవుతాయి.
3. ఆడియో, వీడియో కాలింగ్: XChat ద్వారా యూజర్లు నంబర్ అవసరం లేకుండానే ఆడియో, వీడియో కాల్స్ చేయగలుగుతారు. ఇది సురక్షితమైన మరియు సులభమైన కమ్యూనికేషన్‌కు తోడ్పడుతుంది.
వివరాలు
WhatsApp తో పోలిక:
XChat లో WhatsApp లోని పలు ఫీచర్లను గుర్తు చేసే లక్షణాలు ఉన్నాయి. ఎన్‌క్రిప్టెడ్ మెసేజింగ్, డిసప్పియరింగ్ మెసేజ్‌లు, ఆడియో, వీడియో కాల్స్ వంటి సేవలు అందుబాటులో ఉన్నాయి.
అయితే, ప్రధాన తేడా - XChat వాడటానికి మొబైల్ నంబర్ అవసరం ఉండదు, కానీ WhatsApp లో తప్పనిసరిగా నంబర్ లింక్ చేయాలి.
ట్విట్టర్ పోస్ట్ చేయండి
ఎలాన్ మస్క్ చేసిన ట్వీట్
All new XChat is rolling out with encryption, vanishing messages and the ability to send any kind of file. Also, audio/video calling.
— Elon Musk (@elonmusk) June 1, 2025
This is built on Rust with (Bitcoin style) encryption, whole new architecture.