Virat Kohli: విరాట్ కోహ్లీకే సాధ్యమైన టాప్ రికార్డులు ఇవే..
ఈ వార్తాకథనం ఏంటి
క్రికెట్ చరిత్రలో ఎంతోమంది ఆటగాళ్లు అద్భుతమైన రికార్డులు సృష్టించారు, అందులో కొన్ని ఇప్పటికీ పటిష్టంగా నిలిచిపోతున్నాయి. ఇతరులు ఆ రికార్డులను చేరుకోవాలంటే నిజంగా అద్భుతం జరుగాల్సిందే. ఈ రోజుల్లో క్రికెట్‌లో వేగంగా మార్పులు చోటు చేసుకుంటున్న తరుణంలో, కొందరు లెజెండరీ ఆటగాళ్ల రికార్డులను అధిగమించడం దాదాపు అసాధ్యమే. ఈ సందర్భంగా టీమిండియా స్టార్ బ్యాటర్ విరాట్ కోహ్లీ తన ఖాతాలో ఎన్నో ప్రత్యేక రికార్డులు కలిగి ఉండటం విశేషం. ఈ సందర్భంగా విరాట్ సాధించిన, చిరస్థాయిగా నిలిచే రికార్డులను ఇప్పుడు తెలుసుకుందాం.
వివరాలు
అత్యధిక వన్డే సెంచరీలు
వన్డేల్లో అత్యధిక సెంచరీల రికార్డు (50) విరాట్ కోహ్లీ పేరిట ఉంది. ఆయన సచిన్ టెండూల్కర్ (49 సెంచరీలు) రికార్డును అధిగమించారు. టీ20ల ప్రాధాన్యం పెరుగుతున్న కాలంలో, ఈ స్థాయిలో మరో ప్లేయర్ 50 సెంచరీలు సాధించడం అసాధ్యమని చెప్పవచ్చు. అత్యంత విజయవంతమైన టెస్ట్ కెప్టెన్ కోహ్లీ తన కెప్టెన్సీలో 68 టెస్ట్‌లలో 40 విజయాలు సాధించి, భారత అత్యంత విజయవంతమైన టెస్ట్ కెప్టెన్‌గా నిలిచాడు. టెస్టు చరిత్రలో ప్రపంచవ్యాప్తంగా కేవలం ముగ్గురు కెప్టెన్లు మాత్రమే ఈ రికార్డుకు సమీపంగా ఉన్నారు.
వివరాలు
అత్యంత వేగంగా వన్డే పరుగులు
వన్డేల్లో 8000, 9000, 10000, 11000, 12000, 13000 పరుగుల మైలురాళ్లు అతి తక్కువ సమయంలో పూర్తి చేసిన ఆటగాడు విరాట్ కోహ్లీ మాత్రమే కావడం విశేషం. ప్లేయర్ ఆఫ్ ది సిరీస్ అవార్డులు అత్యధిక ప్లేయర్ ఆఫ్ ది సిరీస్ అవార్డులు (21) సాధించి కోహ్లీ రికార్డు సృష్టించాడు. సచిన్ రికార్డును అధిగమించిన కోహ్లీకి, షకీబ్ అల్ హసన్ నాలుగు అవార్డుల తేడాతో వెనుక ఉన్నాడు. ఒకే జట్టుపై అత్యధిక సెంచరీలు కోహ్లీ శ్రీలంకపై 10 వన్డే సెంచరీలు సాధించిన ఏకైక ఆటగాడు. వెస్టిండీస్‌పై 9, ఆస్ట్రేలియాపై 8 సెంచరీలు సాధించడం ద్వారా ప్రత్యేక స్థానంలో ఉన్నాడు.
వివరాలు
ప్రపంచకప్‌లో అత్యధిక పరుగులు
ఒకే వన్డే ప్రపంచకప్ ఎడిషన్‌లో అత్యధిక పరుగులు (765) చేసిన ఆటగాడిగా కోహ్లీ నిలిచాడు. సచిన్ 2003లో చేసిన 673 పరుగుల రికార్డును 2023లో విరాట్ అధిగమించాడు. టెస్ట్ సిరీస్‌లో అత్యధిక పరుగులు భారత తరఫున టెస్ట్ సిరీస్‌లో అత్యధిక పరుగులు చేసిన రికార్డు కోహ్లీ పేరిట ఉంది. మూడు సార్లు 600+ పరుగులు సాధించిన ఈ ఫీట్‌ను చరిత్రలో మరో నలుగురు మాత్రమే సాధించారు. వన్డే , టీ20 ప్రపంచ కప్‌లలో ప్లేయర్ ఆఫ్ ది టోర్నమెంట్ టీ20 (2014, 2016), ODI (2023) ప్రపంచ కప్‌లలో ప్లేయర్ ఆఫ్ ది టోర్నమెంట్ అవార్డులను గెలుచుకున్న ఏకైక ఆటగాడు కోహ్లీ.