Jasprit Bumrah: టెస్టుల్లో అల్‌టైమ్ రికార్డు.. కపిల్‌దేవ్‌ను దాటేసిన బుమ్రా
ఈ వార్తాకథనం ఏంటి
టీమిండియా పేసర్ జస్పిత్ బుమ్రా మరోసారి తన ప్రతిభతో చరిత్ర సృష్టించాడు.
అన్ని ఫార్మాట్లలో సత్తా చాటుతున్న బుమ్రా, తాజాగా ఓవర్సీస్ టెస్టుల్లో అరుదైన ఘనతను తన ఖాతాలో వేసుకున్నాడు.
భారత టెస్టు చరిత్రలో విదేశీ గడ్డపై అత్యధిక సార్లు 5 వికెట్లు తీసిన బౌలర్‌గా జస్ప్రిత్ బుమ్రా రికార్డు సృష్టించాడు.
బ్రిస్బేన్‌లోని గబ్బా వేదికగా ఆస్ట్రేలియాతో జరుగుతున్న టెస్టు మ్యాచ్‌ తొలి ఇన్నింగ్స్‌లో బుమ్రా తన అద్భుత బౌలింగ్‌తో ప్రత్యర్థి బ్యాటింగ్‌ను కుదిపేశాడు.
ఉస్మాన్ ఖవాజా (21), నాథన్ మెక్‌స్వీనీ (9), స్టీవ్ స్మిత్ (101), ట్రావిస్ హెడ్ (152), మిచెల్ మార్ష్ (5) వంటి కీలక ఆటగాళ్లను పెవిలియన్‌కు పంపి, 5 వికెట్ల ఘనతను సాధించాడు.
Details
బుమ్రా తర్వాత కపిల్ దేవ్
సౌతాఫ్రికా, ఇంగ్లండ్, న్యూజిలాండ్, ఆస్ట్రేలియా వంటి దేశాల్లో టెస్టుల్లో అత్యధిక సార్లు 5 వికెట్లు తీసిన భారత బౌలర్ల జాబితాలో బుమ్రా అగ్రస్థానానికి ఎగబాకాడు.
ఇప్పటివరకు బుమ్రా 8 సార్లు సేనా గడ్డపై 5 వికెట్ల ఘనతను సాధించాడు. ఈ జాబితాలో బుమ్రా తర్వాత కపిల్ దేవ్ (7 సార్లు) ఉన్నారు.
భారత టెస్టు చరిత్రలో మొత్తం 5 వికెట్లు తీసిన బౌలర్లలో బుమ్రా ఇప్పుడు రెండవ స్థానంలో నిలిచాడు.
కపిల్‌దేవ్ 23 సార్లు ఈ ఘనత సాధించగా, బుమ్రా ఇప్పటివరకు 12 సార్లు 5 వికెట్ల మైలురాయిని చేరుకున్నాడు.