ఆసియా కప్ షెడ్యూల్ విడుదల.. దాయాదుల సమరం ఎప్పుడంటే?
ఆసియా కప్ 2023 షెడ్యూల్ విడుదలైంది. శ్రీలంక, పాకిస్థాన్ వేదికగా మ్యాచులు జరగనున్నాయి. ఆగస్టు 30 నుంచి ఆసియా కప్ టోర్నీ ప్రారంభం కానుండగా.. సెప్టెంబర్ 17న కోలంబోలో జరిగే ఫైనల్ మ్యాచుతో ఈ టోర్నీ ముగియనుంది. పాకిస్తాన్-టీమిండియా మధ్య జరిగే హైఒల్టేజ్ మ్యాచ్ సెప్టెంబర్ 2న శ్రీలంకలోని కాండీ వేదికగా జరగనుంది. ఆగస్టు 30 నుంచి సెప్టెంబర్ 5వరకూ రౌండ్ 1, సెప్టెంబర్ 6 నుంచి సెప్టెంబర్ 15 వరకు రౌండ్ 2 మ్యాచులు జరగనున్నాయి. ఈ టోర్నీ హైబ్రిడ్ మోడల్‌లో నిర్వహిస్తున్నారు. దీంతో పాక్‌లో నాలుగు మ్యాచులు, శ్రీలంకలో 9 మ్యాచులు జరగనున్నాయి.
వన్డే ఫార్మాట్లో ఆసియా కప్
గ్రూప్ స్టేజ్ లో టీమిండియా, పాకిస్తాన్ తో పాటు నేపాల్ కూడా ఓ మ్యాచ్ ఆడనుంది. అదే విధంగా ప్రపంచ కప్ ముందు జరగనున్న ఈ ఆసియా కప్ ఈసారి వన్డే ఫార్మాట్లో జరగనుంది. ఈ ఆసియా కప్ లో 13 మ్యాచులు జరగనున్నాయి. ముఖ్యంగా భారత ఆడే మ్యాచులన్నీ శ్రీలంకలోనే జరగనున్నాయి. గ్రూప్ ఎలో ఇండియా, పాకిస్థాన్, నేపాల్ ఉండగా.. గ్రూప్ బిలో శ్రీలంక, బంగ్లాదేశ్, ఆఫ్ఘనిస్థాన్ ఉన్నాయి. ఈ మ్యాచ్ లన్నీ భారత కాలమానం ప్రకారం మధ్యాహ్నం 1:30 గంటలకు ప్రారంభకానున్నాయి.
