టెస్టుల్లో నెంబర్ వన్ ప్లేస్‌కు ఆసీస్.. ఫస్ట్ ర్యాంకు కోల్పోయిన టీమిండియా!
ఈ వార్తాకథనం ఏంటి
యాషెస్ సిరీస్ 2023 మొదటి టెస్టులో ఇంగ్లండ్‌పై ఆస్ట్రేలియా విక్టరీ సాధించింది. దీంతో టెస్టుల్లో ఆస్ట్రేలియా మళ్లీ నెంబర్ వన్ జట్టుగా అవతరించనుంది.
టెస్టు ర్యాంకింగ్స్ లో ప్రస్తుతం భారత్ 121 పాయింట్ల పాయింట్లతో అగ్రస్థానంలో కొనసాగుతోంది. ఆస్ట్రేలియా 116 పాయింట్లతో రెండో స్థానంతో నిలిచింది.
ఎడ్జ్ బాస్టన్ వేదికగా ఇంగ్లండ్ పై ఆస్ట్రేలియా విజయం సాధించడంతో ఆసీస్ ఖాతాలో అదనంగా పాయింట్లు వచ్చి చేరనున్నాయి. ఈ నేపథ్యంలో టీమిండియాను ఆస్ట్రేలియా అధిగమించే ఛాన్స్ ఉంది.
అయితే అంతర్జాతీయ క్రికెట్ మండలి(ఐసీసీ) మాత్రం ఇంకా టెస్టు ర్యాంకింగ్స్ ను అప్ డేట్ చేయలేదు.
Details
డబ్ల్యూటీసీ పాయింట్ల పట్టికలో ఆస్ట్రేలియా అగ్రస్థానం
ఐసీసీ చివరగా మే3న టెస్టు ర్యాంకింగ్స్‌ను అప్డేట్ చేసింది. ప్రస్తుతం డబ్ల్యూటీసీ 2023-25 పాయింట్ల పట్టికలో ఆస్ట్రేలియా 12 పాయింట్లతో అగ్రస్థానంలో నిలిచింది.
ఐసీసీ ర్యాంకింగ్స్ ను అప్డేట్ చేస్తే ఆస్ట్రేలియా మొదటి స్థానానికి ఎగబాకే ఛాన్స్ ఉంది. దీంతో టీమిండియా రెండో స్థానానికి దిగజారనుంది.
ఇక మ్యాచ్ విషయానికొస్తే, ఐదు రోజులు ఉత్కంఠంగా సాగిన ఈ మ్యాచులో ఆస్ట్రేలియా రెండు వికెట్ల తేడాతో గెలుపొందింది. కీలక సమయంలో ఆసీస్ కెప్టెన్ పాట్ కమిన్స్ 44 పరుగులు చేసి జట్టుకు విజయాన్ని అందించాడు.