యాషెస్ సిరీస్: ఉత్కంఠ పోరులో ఆసీస్‌దే విజయం
ఈ వార్తాకథనం ఏంటి
యాషెస్ సిరీస్ తొలి టెస్టులో ఇంగ్లండ్ పై ఆస్ట్రేలియా సంచలన విజయం సాధించింది. 281 పరుగుల విజయ లక్ష్యంతో బరిలోకి దిగిన ఆస్ట్రేలియా మరో 2 వికెట్లు మిగిలి ఉండగానే లక్ష్యాన్ని చేధించింది.
ఆసీస్ కెప్టెన్ పాట్ కమిన్స్ అసాధ్యమనుకున్న లక్ష్యాన్ని చివరికి చేధించి రికార్డును సృష్టించాడు.ప్రస్తుతం ఆస్ట్రేలియా 5 టెస్టుల యాషెస్ సిరీస్ లో 1-0 తేడాతో ఆధిక్యం సాదించింది.
9వ వికెట్ కు లియాన్(16)తో కలిసి కెప్టెన్ కమిన్స్ అజేయంగా 55 పరుగుల భాగస్వామ్యాన్ని నెలకొల్పి జట్టుకు విజయాన్ని అందించారు.
అంతకుముందు తొలి ఇన్నింగ్స్ లో సెంచరీ చేసిన ఉస్మాన్ ఖవాజా రెండో ఇన్నింగ్స్ లోనూ 68 పరుగులతో కీలక ఇన్నింగ్స్ ఆడాడు.
Details
ఖావాజాకు 'మ్యాన్ ఆఫ్ ది మ్యాచ్ అవార్డు'
ఇంగ్లండ్ బౌలర్లలో బ్రాడ్ 3, రాబిన్ సన్ రెండు వికెట్లు పడగొట్టారు. ఖావాజాకు 'మ్యాన్ ఆఫ్ ది మ్యాచ్ అవార్డు' దక్కింది. కెప్టెన్ కమిన్స్ అతికష్టం మీద ఒక్కో పరుగును జోడిస్తూ, వికెట్ ను కాపాడుకుంటూ లక్ష్యం వైపు అడుగులు వేశారు.
ఈ మ్యాచులో మొదట టాస్ గెలిచిన ఇంగ్లండ్ మొదటి ఇన్నింగ్స్‌లో 393/8 వద్ద డిక్లేర్ చేసింది. అనంతరం ఆసీస్ తొలి ఇన్నింగ్స్ లో 386 పరుగులకు ఆలౌటైంది.
ఆ తర్వాత రెండో ఇన్నింగ్స్ లో 273 పరుగులు చేయగా ఆసీస్ ముందు 283 పరుగుల లక్ష్యాన్ని ఇంగ్లండ్ నిర్ధేశించింది.
ఇక ఇరు జట్ల మధ్య రెండో టెస్టు లార్డ్స్ మైదానంలో జూన్ 28 నుంచి జులై 2 వరకు జరగనుంది.