Paris Olympics: ఒలింపిక్స్ బరిలో బిహార్ మహిళ ఎమ్మెల్యే.. స్వర్ణ పతాకమే లక్ష్యంగా బరిలోకి!
పారిస్ వేదికగా ఒలింపిక్ క్రీడా పోటీలు ఇప్పటికే ఆరంభమయ్యాయి. భారత్ తరుఫున 117 మంది అథ్లెట్లు పోటీపడుతున్నారు. వారిలో బిహార్‌కు చెందిన ఓ మహిళ ఎమ్మెల్యే కూడా పాల్గొనడం విశేషం. బీహార్‌లోని జముయ్ ఎమ్మెల్యేగా గెలవకముందే శ్రేయస్ సింగ్ షూటింగ్ క్రీడాకారిణి. ఈ రంగంలో అర్జున అవార్డును కూడా పొందింది. ఇక డబుల్ ట్రాప్ విభాగంలో 2014లో గ్లాస్గోలో జరిగిన కామన్ వెల్త్ గేమ్స్ అమె రజత పతకాన్ని సాధించింది.
2018లో బంగారు పతకాన్ని సాధించిన శ్రేయస్ సింగ్
మరోవైపు 2018 గోల్డ్ కోస్ట్‌లో పోటీల్లో బంగారు పతకాన్ని అందరిని దృష్టిని అకర్షించింది. శ్రేయస్ సింగ్ దిల్లీలోని హన్స్ రాజ్ కాలేజీ నుంచి ఆర్ట్స్‌లో డిగ్రీ చదివింది. ఆమె స్వస్థలం గిదౌర్. 2020లో జరిగిన బిహార్ ఎన్నికల్లో సిట్టింగ్ ఎమ్మెల్యే విజయ్ ప్రకాష్‌పై ఆమె 41 వేల ఓట్ల మెజార్టీతో గెలుపొందింది. అమ్మానాన్నలిద్దరూ రాజకీయాల్లో ప్రావీణ్యం పొందిన వారు కావడంతో అమె కూడా రాజకీయ అరంగ్రేటం చేసింది. తాతా సెరేందర్ సింగ్, తండ్రి దిగ్విజయ్ రైఫిల్ అసోసియేషన్ కి అధ్యక్షులుగా వ్యవరిస్తున్నారు
బంగారు పతకంపై గురి పెట్టిన శ్రేయస్ సింగ్
జముయ్ నియోజకవర్గం నుంచి దిల్లీకి 1217 కిలోమీటర్ల దూరం ఉంది. ఒలింపిక్ శిక్షణ శిబిరానికి వెళ్లి, రావడానికి ఆమె ఎంతో కష్టపడాల్సి వచ్చింది. ప్రస్తుతం జముయ్ నియోజకవర్గాన్ని కూడా అమె ఆదర్శంగా తీర్చిదిద్దుతోంది. శ్రేయస్ సింగ్ ఓ యువ క్రీడాకారిణిగా, ఒక ప్రజాప్రతినిధిగా ఇవాళ ఒలింపిక్స్‌లో పాల్గొనడం గొప్ప విషయమే అని చెప్పాలి. అయితే శ్రేయస్ సింగ్ ఎలాగైనా బంగారు పతకం సాధిస్తుందని పలువురు మేధావులు అభిప్రాయం వ్యక్తం చేశారు.
