Champions Trophy: నవంబర్ 16 నుంచి ఛాంపియన్స్ ట్రోఫీ.. పాక్‌ కవ్వింపు చర్యలు!
ఈ వార్తాకథనం ఏంటి
ఛాంపియన్స్ ట్రోఫీ నిర్వహణ విషయంలో ప్రస్తుతం గందరగోళ పరిస్థితి నెలకొంది. ఈ టోర్నమెంట్‌ కోసం పాకిస్థాన్‌ వెళ్లబోమని బీసీసీఐ (BCCI) స్పష్టంగా చెప్పింది.
అయితే, ఆతిథ్య హక్కులు తమకే కావాలంటూ పాకిస్థాన్‌ క్రికెట్ బోర్డు (PCB) కఠినంగా తన నిర్ణయంపై నిలబడింది. ఈ నేపథ్యంలో పాకిస్థాన్‌ భారత్‌ను రెచ్చగొట్టే చర్యలకు దిగింది.
పాకిస్థాన్‌ ప్రకటించిన ట్రోఫీ టూర్‌ షెడ్యూల్‌లో పాక్‌ ఆక్రమిత కశ్మీర్‌ (POK) ప్రాంతాలను కూడా చేర్చినట్లు తెలిపింది. ఈ నిర్ణయం వల్ల రాజకీయ వివాదాలు మరింత గాఢమయ్యే అవకాశముంది.
వివరాలు
ట్రోఫీ టూర్‌ ప్రకటన
అంతర్జాతీయ క్రికెట్ మండలి (ఐసీసీ) ఇప్పటివరకు ఛాంపియన్స్ ట్రోఫీకి అధికారిక షెడ్యూల్‌ను విడుదల చేయకపోయినా, పాకిస్థాన్‌ ట్రోఫీ టూర్‌ను ప్రారంభించింది.
నవంబర్ 16న ఇస్లామాబాద్‌లో ప్రారంభమయ్యే ఈ టూర్‌లో ట్రోఫీని స్కర్దు, ముర్రే, హుంజా, ముజఫరాబాద్‌ వంటి పలు ప్రాంతాల్లో ప్రదర్శించనున్నట్లు పీసీబీ తన అధికారిక ఖాతాలో వెల్లడించింది.
వివాదాస్పద నిర్ణయం
ట్రోఫీని ప్రదర్శించనున్న ప్రాంతాల్లో స్కర్దు, హుంజా, ముజఫరాబాద్‌ లాంటి పీఓకే ప్రాంతాలు ఉండటం గమనార్హం.
ఈ నిర్ణయంతో పాకిస్థాన్‌ తన దురుద్దేశాన్ని బయటపెట్టినట్లైంది. భారత్‌ ఛాంపియన్స్ ట్రోఫీ కోసం పాక్‌కు వెళ్లబోమని ప్రకటించిన నేపథ్యంలో, ఈ టూర్‌ ద్వారా పాక్‌ తన రాజకీయ వ్యూహాన్ని అమలు చేస్తోందనే అభిప్రాయాలు వ్యక్తమవుతున్నాయి.
వివరాలు
భవిష్యత్‌ పరిణామాలు
ఈ పరిణామాలతో ఛాంపియన్స్ ట్రోఫీపై అంతర్జాతీయ స్థాయిలో చర్చలు ముదురనున్నాయి. ఐసీసీ, బీసీసీఐ, పీసీబీ మధ్య పరిస్థితులు ఎలా మారతాయో వేచి చూడాలి.
ట్విట్టర్ పోస్ట్ చేయండి
పాకిస్తాన్ క్రికెట్ చేసిన ట్వీట్
Get ready, Pakistan!
— Pakistan Cricket (@TheRealPCB) November 14, 2024
The ICC Champions Trophy 2025 trophy tour kicks off in Islamabad on 16 November, also visiting scenic travel destinations like Skardu, Murree, Hunza and Muzaffarabad. Catch a glimpse of the trophy which Sarfaraz Ahmed lifted in 2017 at The Oval, from 16-24… pic.twitter.com/SmsV5uyzlL