ENG vs IND : ఇంగ్లాండ్‌లో టెస్టుల్లో భారత్‌కి ఎక్కువ విజయాలు అందించిన కెప్టెన్ ఎవరో తెలుసా?
ఈ వార్తాకథనం ఏంటి
ఇంగ్లండ్ గడ్డపై భారత జట్టు అనేక సార్లు టెస్ట్ సిరీస్‌లు ఆడింది. జూన్ 20, 2025 నుంచి మరో కొత్త సిరీస్ మొదలుకానుంది.
సీనియర్ల రిటైర్మెంట్ తర్వాత ఇది భారత్ ఆడబోయే తొలి సిరీస్ కావడంతో శుభ్‌మన్ గిల్ కెప్టెన్సీలో జట్టు ఎలా రాణించబోతుందన్నదానిపై అభిమానుల్లో ఆసక్తి నెలకొంది.
ఈ నేపథ్యంలో ఇంగ్లాండ్ గడ్డపై టెస్టుల్లో అత్యధిక విజయాలు అందించిన భారత కెప్టెన్ల గురించి ఓసారి తెలుసుకుందాం.
Details
విరాట్ కోహ్లీ
ఇంగ్లాండ్‌లో అత్యధిక విజయాలు సాధించిన భారత కెప్టెన్‌గా విరాట్ కోహ్లీ నిలిచాడు.
ఆయన నాయకత్వంలో భారత్ మొత్తం 9 టెస్టులు ఆడింది. ఇందులో 3 గెలుపు సాధించగా, 5 మ్యాచ్‌లు ఓటమిగా ముగిశాయి. ఒక్క మ్యాచ్ డ్రాగా నిలిచింది.
కపిల్ దేవ్
భారత మాజీ ఆల్‌రౌండర్ కపిల్ దేవ్ నాయకత్వంలో భారత్ ఇంగ్లాండ్‌లో 3 టెస్టులు ఆడింది.
ఇందులో రెండు విజయాలు సాధించగా, మిగిలిన ఒక మ్యాచ్ డ్రాగా ముగిసింది. ఓటమి లేకుండానే సిరీస్ ముగించడం విశేషం.
రాహుల్ ద్రావిడ్
ద్రావిడ్ కెప్టెన్సీలో భారత్ 3 టెస్టులు ఆడింది. 1 మ్యాచ్‌ను గెలిచింది. మిగిలిన రెండు మ్యాచ్‌లు డ్రాగా ముగిశాయి. ఒక మంచి స్థిరమైన రికార్డు అని చెప్పవచ్చు.
Details
సౌరవ్ గంగూలీ
గంగూలీ నాయకత్వంలో భారత్ ఇంగ్లాండ్‌లో 4 టెస్టులు ఆడింది. 1 గెలుపు సాధించగా, 1 ఓటమి మూటగట్టుకుంది.
మిగిలిన రెండు మ్యాచ్‌లు డ్రాగా ముగిశాయి. ద్రావిడ్ లాగానే, గంగూలీ కూడా సమతుల్య ఫలితాలతో ముందుకు వెళ్లాడు.
అజిత్ వాడేకర్
అజిత్ వాడేకర్ సారథ్యంలో భారత్ 6 టెస్టులు ఆడింది. 1 గెలిచింది, 3 మ్యాచ్‌లు ఓడిపోయింది. మిగిలిన రెండు డ్రాగా ముగిశాయి. అయితే ఆ సమయంలో టెస్టు క్రికెట్ పరిస్థితులు తేడాగా ఉండేవి.
Details
ఎంఎస్ ధోని
ఇంగ్లాండ్ గడ్డపై అసంతృప్తికర రికార్డుతో నిలిచిన కెప్టెన్ ఎంఎస్ ధోని. ఆయన సారథ్యంలో భారత్ 9 టెస్టులు ఆడి కేవలం 1 మ్యాచ్‌లో మాత్రమే గెలిచింది.
7 ఓటములు, 1 డ్రా ధోనిని మిగిలిన కెప్టెన్లతో పోలిస్తే తక్కువ విజయాల్లో నిలిపాయి. ఇప్పటికే లీడ్స్‌లో ప్రాక్టీస్ చేస్తున్న భారత జట్టు, కొత్త కెప్టెన్ శుభ్‌మన్ గిల్ నేతృత్వంలో ఈ రికార్డులను బద్దలు కొడుతుందేమో చూడాలి.
రోహిత్, విరాట్, అశ్విన్‌లాంటి దిగ్గజాల రిటైర్మెంట్ తర్వాత జట్టులో కొత్త శకం మొదలవుతోంది.