ICC Rankings : బాబార్ నంబర్ వన్ స్థానంపై కన్నేసిన గిల్.. ర్యాంకింగ్స్‌లో కోహ్లీ, రోహిత్ జోరు
ప్రస్తుతం జరుగుతున్న వన్డే వరల్డ్ కప్ 2023లో భారత్ ఆటగాళ్లు విజృంభిస్తున్న విషయం తెలిసిందే. తాజాగా ఐసీసీ ర్యాంకింగ్స్‌లోను టీమిండియా ఆటగాళ్లు సత్తా చాటుతున్నారు. ప్రస్తుతం విడదులైన ఐసీసీ వన్డే ర్యాంకింగ్స్‌లో బ్యాటింగ్ విభాగంలో భారత తరుపున ముగ్గురు బ్యాటర్లు టాప్-3 ఎగబకారు. ఇక టీమిండియా యువ బ్యాటర్ శుభ్‌మన్ గిల్ రెండో స్థానంలో ఉన్నాడు. అగ్రస్థానంలో ఉన్న బాబర్ అజామ్ కు, గిల్ కేవలం 6 పాయింట్లు మాత్రమే తేడా ఉంది. బాబార్‌కు 829 రేటింగ్ పాయింట్లు ఉండగా, గిల్ ఖాతాలో 823 రేటింగ్ పాయింట్లు ఉన్నారు. దీంతో త్వరలోనే గిల్ మొదటి స్థానానికి చేరుకొనే అవకాశం ఉంది.
ఆరో స్థానంలో విరాట్ కోహ్లీ
మరోవైపు టీమిండియా స్టార్ ఆటగాళ్లు విరాట్ కోహ్లీ, రోహిత్ శర్మ కూడా ర్యాంకింగ్స్‌లో సత్తా చాటారు. ఈ టోర్నీలో 354 పరుగులు బాదిన కోహ్లీ ఆరోస్థానానికి, 311 పరుగులు చేసిన రోహిత్ శర్మ 8వ స్థానానికి ఎగబాకారు. వన్డే ప్రపంచ కప్ టోర్నీలో అత్యధిక పరుగులు చేసిన క్వింటన్ డికాక్(407) మూడో స్థానంలో ఉన్నాడు. అతనితో పాటు మరో ఇద్దరు సౌతాఫ్రికా బ్యాటర్లు కూడా టాప్ 10లో ఉన్నారు. హెన్రిక్ క్లాసెన్ నాలుగో స్థానంలో ఉండగా, డస్సెన్ 9వ స్థానంలో ఉన్నారు. బౌలింగ్ విభాగంలో భారత్ తరుపున మహ్మద్ సిరాజ్ రెండో స్థాంలో, కుల్దీప్ యాదవ్ 9వ స్థానంలో కొనసాగుతున్నారు.
