Champions Trophy 2025 :ICC పురుషుల ఛాంపియన్స్ ట్రోఫీ 2025 అఫీషియల్ సాంగ్ వచ్చేసింది.. మీరు వినండి..
ఈ వార్తాకథనం ఏంటి
ఫిబ్రవరి 19 నుండి పాకిస్థాన్ వేదికగా ఛాంపియన్స్ ట్రోఫీ ప్రారంభం కానుంది.
ఈ ప్రతిష్ఠాత్మక టోర్నీలో మొత్తం 8 దేశాలు పాల్గొంటున్నాయి.
ఇప్పటికే సంబంధిత క్రికెట్ బోర్డులు తమ జట్లను ప్రకటించాయి. ఫిబ్రవరి 12లోగా జట్లలో మార్పులు చేసుకునే అవకాశం ఉంది.
ఐసీసీ ప్రొమోషనల్ కార్య‌క్ర‌మాలు
ఛాంపియన్స్ ట్రోఫీ సమయం దగ్గర పడుతున్న నేపథ్యంలో, ఐసీసీ ప్రమోషన్ కార్యక్రమాలను ప్రారంభించింది.
ఇందులో భాగంగా "ఛాంపియన్స్ ట్రోఫీ 2025" అధికారిక గీతాన్ని విడుదల చేసింది. "జీతో బాజీ ఖేల్ కే" అనే ఈ పాటను ప్రఖ్యాత పాకిస్థానీ గాయకుడు అతిఫ్ అస్లాం ఆలపించారు.
వివరాలు
మ్యాచ్‌లు జరిగే వేదికలు
కరాచీ, లాహోర్, రావల్పిండి స్టేడియాల్లో టోర్నీకి సంబంధించిన మ్యాచ్‌లు జరగనున్నాయి.
స్టేడియాల ఆధునీకరణ ఇప్పటికే పూర్తయినట్లు సమాచారం. టోర్నీ తొలి మ్యాచ్‌లో ఆతిథ్య పాకిస్థాన్ జట్టు, న్యూజిలాండ్‌తో తలపడనుంది.
భారత జట్టు - భద్రతాపరమైన నిర్ణయం
భద్రతా కారణాల రీత్యా భారత జట్టు పాకిస్థాన్ వెళ్లడం లేదు. ఈ నేపథ్యంలో, భారత జట్టు తమ అన్ని మ్యాచ్‌లను దుబాయ్‌లో ఆడనుంది.
వివరాలు
భారత జట్టు షెడ్యూల్
ఫిబ్రవరి 20 - భారత్ vs బంగ్లాదేశ్
ఫిబ్రవరి 23 - భారత్ vs పాకిస్థాన్ (క్రికెట్ అభిమానులు ఆసక్తిగా ఎదురుచూస్తున్న మ్యాచ్)
మార్చి 2 - భారత్ vs న్యూజిలాండ్
ఈ టోర్నీలో భారత్, ఆస్ట్రేలియా జట్లు చెరో రెండు సార్లు ఛాంపియ‌న్స్‌గా నిలిచాయి.
చివరిసారిగా 2017లో ఛాంపియన్స్ ట్రోఫీ జరిగింది. ఆ ఫైనల్ మ్యాచ్‌లో భారత్‌పై విజయం సాధించి పాకిస్థాన్ ట్రోఫీ గెలుచుకుంది.
ఈసారి టీమ్ఇండియా లక్ష్యం
దాదాపు 8 ఏళ్ల విరామం తర్వాత జరుగుతున్న ఈ మెగాటోర్నమెంట్‌పై అందరి దృష్టి ఉంది. 2017 ఫైనల్‌లో ఎదురైన ఓటమికి ప్రతీకారం తీర్చుకోవాలని టీమ్ఇండియా అభిమానులు ఆశిస్తున్నారు.
ట్విట్టర్ పోస్ట్ చేయండి
ఛాంపియన్స్ ట్రోఫీ 2025 అఫీషియల్ సాంగ్
Champions Trophy 2025 official anthem!
— Cricket Tufani (@mohitso39392499) February 7, 2025
❤️❤️#iccchampionstrophy2025 pic.twitter.com/hMB0iovPsz