అరుదైన రికార్డుకు చేరువలో భారత్ vs వెస్టిండీస్ టెస్టు సిరీస్
ఈ వార్తాకథనం ఏంటి
వరల్డ్ టెస్టు ఛాంపియన్ టెస్టు ఓటమి తర్వాత టీమిండియా జట్టు వెస్టిండీస్ పర్యటనకు వెళ్లింది. ఈ క్రమంలో వెస్టిండీస్ తో భారత్, వన్డే, టెస్టు, టీ20 సిరీస్‌లను ఆడనుంది. మొదటగా టెస్టు మ్యాచుల్లోనే టీమిండియా, వెస్టిండీస్‌తో తలపడనుంది.
ఈనెల 12 నుంచి 16 వరకు మొదటి టెస్టు డొమినికా వేదికగా జరగనుంది. ఈ మ్యాచులన్నీ భారత కాలమాన ప్రకారం రాత్రి 7: 30గంటలకు ప్రసారం కానున్నాయి. అయితే రెండు టెస్టు మ్యాచుతో భారత్, వెస్టిండీస్ అరుదైన రికార్డును సాధించనున్నాయి.
జులై 20 నుంచి ప్రారంభమయ్యే రెండో టస్టు మ్యాచులో భారత్, వెస్టిండీస్ జట్ల మధ్య 100 టెస్టు మ్యాచులు పూర్తి కానున్నాయి.
Details
ఇంగ్లాండ్ తో అత్యధిక టెస్టు మ్యాచులు ఆడిన టీమిండియా
భారత జట్టు ఇప్పటివరకూ ఇంగ్లండ్, ఆస్ట్రేలియా జట్టుతో 100 టెస్టులు ఆడింది. ఇక మూడో జట్టుగా వెస్టిండీస్ నిలవనుంది. అత్యధికంగా ఇంగ్లండ్ జట్టుతో భారత్ 131 టెస్టు మ్యాచులను ఆడింది.
మొత్తంగా అన్ని జట్లతో 570 టెస్టులు మ్యాచులు ఆడిన టీమిండియా 172 మ్యాచుల్లో గెలుపొందగా.. 176 మ్యాచుల్లో ఓటమిపాలైంది. మిగిలిన 221 టెస్టు మ్యాచులు డ్రాగా ముగిశాయి.
వెస్టిండీస్ తో ఆడిన 98 టెస్టుల్లో భారత జట్టు 22 మ్యాచుల్లో గెలుపొందగా.. వెస్టిండీస్ 30 మ్యాచుల్లో విజయం సాధించింది. 46 మ్యాచులు డ్రా అయ్యాయి.