Asian Games 2023: షూటింగ్‌లో భారత్ కు మరో గోల్డ్ మెడల్
ఆసియా క్రీడలు 2023లో భాగంగా ఆదివారం భారత్ మరో బంగారు పతకం సాధించింది. ఈ మేరకు భారత షూటింగ్ త్రయం డారియస్ కినాన్ చెనాయ్, జోరావర్ సింగ్ సంధు, పృథ్వీరాజ్ తొండైమాన్ తో కూడిన భారత జట్టు షూటింగ్‌లో స్వర్ణం పతకం గెలిచింది. ఈ నేపథ్యంలోనే ఈ ఆసియా క్రీడల్లో 7వ షూటింగ్ గోల్డ్ మెడల్ సాధించినట్టైంది. మొత్తంగా ఆసియా గేమ్స్ షూటింగ్ విభాగంలో భారత్ 21వ పతకాన్ని ఒడిసిపట్టింది. ఇందులో 7 స్వర్ణం, 9 రజతం, మరో 5 కాంస్యం పతకాలు ఉండటం విశేషం. చైనాలోని హాంగ్‌జౌలో జరుగుతున్న ఆసియా గేమ్స్‌లో ఆదివారం జరిగిన పురుషుల ట్రాప్ టీమ్ ఈవెంట్‌లో భారత షూటింగ్ త్రయం మరోసారి ఆధిపత్యం ప్రదర్శించారు.
