IPL 2023: ఆర్సీబీ పై రివేంజ్ తీసుకోవడానికి ముంబై ఇండియన్స్ రెడీ!
ఈ వార్తాకథనం ఏంటి
ఇండియన్ ప్రీమియర్ లీగ్లో భాగంగా 54వ మ్యాచ్ లో రాయల్ ఛాలెంజర్స్ బెంగళూరు, ముంబై ఇండియన్స్ అమీతుమీ తేల్చుకోనున్నాయి. ఇరు జట్లు 10 మ్యాచ్ ల్లో ఐదు విజయాలు సాధించాయి. అయితే నెట్ రన్ రేట్ పరంగా ఎంఐ కంటే ఆర్సీబీ ముందు స్థానంలో ఉంది.
ముంబైలోని వాంఖడే స్టేడియంలో మే 9న రాత్రి 7:30 గంటలకు మ్యాచ్ ప్రారంభం కానుంది. ఈ పిచ్ బ్యాటింగ్ కు అనుకూలంగా ఉండనుంది.
ఈ వేదికపై బెంగళూర్, ముంబాయి ఇండియన్స్ తొమ్మిదిసార్లు తలపడ్డాయి. ఇందులో ముంబై ఆరుసార్లు గెలుపొందింది. ఈ రెండు జట్ల మధ్య ఐపీఎల్లో 31 మ్యాచ్లు జరిగాయి. ఇందులో ముంబై 17 విజయాలను నమోదు చేయగా.. ఆర్సీబీ 14 విజయాలను సాధించింది.
Details
ఈ మ్యాచ్ లో బద్దలయ్యే రికార్డులివే
ఈ సీజన్ లో గత మ్యాచ్ లో ముంబై ఇండియన్స్ పై ఆర్సీబీ ఎనిమిది వికెట్ల తేడాతో గెలుపొందింది. దీంతో ఎలాగైనా సొంత మైదానంలో ఆర్సీబీని ఓడించాలని ముంబై ప్రతీకార కాంక్షతో రగిలిపోతోంది.
ఆర్సీబీపై వార్నర్ 861 పరుగులతో అగ్రస్థానంలో ఉండగా.. రోహిత్ శర్మ 786 పరుగులతో రెండోస్థానంలో ఉన్నాడు. ఇంకా 76 పరుగులు చేస్తే వార్నర్ రికార్డును హిట్ మ్యాన్ బద్దలు కొట్టే అవకాశం ఉంది.
MI కోసం 5,000 పరుగులు పూర్తి చేయడానికి రోహిత్ శర్మకు ఇంకా 107 పరుగులు కావాలి. జోఫ్రా ఆర్చర్ 50వికెట్ల మైలురాయిని చేరుకోవడానికి రెండు వికెట్ల దూరంలో ఉన్నాడు.
RCB తరుపున 100 వికెట్ల క్లబ్లో చేరడానికి హర్షల్ పటేల్ మూడు వికెట్లను పడగొట్టాలి