KL Rahul: తండ్రి కాబోతున్న స్టార్ క్రికెటర్.. సోషల్ మీడియాలో పోస్టు
భారత స్టార్ క్రికెటర్ కేఎల్ రాహుల్, ఆయన సతీమణి అతియా శెట్టి తమ అభిమానులకు ఓ మధుర వార్త అందించారు. ఈ దంపతులు 2025లో తల్లిదండ్రులు కాబోతున్నట్లు వారు శుక్రవారం సామాజిక మాధ్యమాల ద్వారా తెలియజేశారు. ఈ విషయంలో తమ ఆనందాన్ని పంచుకున్న రాహుల్,అతియా, ఈ శుభవార్తను అభిమానులతో పంచుకోవడం పట్ల చాలా ఉత్సాహంగా ఉన్నారు. 2023లో, భారత క్రికెటర్ కేఎల్ రాహుల్ బాలీవుడ్‌ నటుడు సునీల్ శెట్టి కుమార్తె, నటి అతియా శెట్టి ని వివాహం చేసుకున్నారు. ప్రస్తుతం రాహుల్ ఆస్ట్రేలియాలో ఉన్నాడు. ప్రస్తుతం, భారత్-ఎ, ఆస్ట్రేలియా-ఎ మధ్య జరుగుతున్న రెండో అనధికార టెస్టులో రాహుల్ పాల్గొంటున్నారు.
