KL Rahul Injury: టీమిండియా ఇంట్రాస్క్వాడ్‌తో వార్మప్ మ్యాచ్‌.. స్టార్‌ బ్యాటర్‌ కేఎల్ రాహుల్‌కు గాయం
ఈ వార్తాకథనం ఏంటి
ఆస్ట్రేలియా (AUS vs IND) పర్యటన కోసం వెళ్లిన భారత జట్టు ఇంట్రాస్క్వాడ్ వార్మప్ మ్యాచ్‌లో పాల్గొంది.
ఈ మ్యాచ్‌లో భారత బ్యాటర్లు, బౌలర్లు రెండు వేర్వేరు టీమ్‌లుగా పోటీపడుతున్నారు.
పిచ్ పేసర్లకు అనుకూలంగా ఉండటంతో భారత బ్యాటర్లకు కొంత ఇబ్బందిగా అనిపిస్తోంది.
బ్యాటింగ్ చేస్తున్న సమయంలో కేఎల్ రాహుల్ గాయం పాలైనట్లు వార్తలు వస్తున్నాయి.
కుడి మోచేతికి బంతి తాకడంతో అతడు నొప్పితో బాధపడుతున్నాడు. వెంటనే ఫిజియోథెరపిస్ట్‌ వచ్చి ప్రాథమిక చికిత్స అందించారు, అయితే నొప్పి కొనసాగడంతో అతడు మైదానాన్ని వీడాడు.
ఈ నేపథ్యంలో పెర్త్ టెస్టులో అతడు ఆడతాడో లేదా అనేది అభిమానుల్లో అనుమానాలు రేకెత్తించాయి. అయితే, బీసీసీఐ నుంచి ఈ విషయం పై అధికారిక ప్రకటన వెలువడలేదు.
వివరాలు
బ్యాటర్లు విఫలం
ఇంట్రాస్క్వాడ్ వార్మప్ మ్యాచ్‌లో భారత సీనియర్ బ్యాటర్లు కాస్త ఇబ్బందిపడుతున్నారు.
కేఎల్ రాహుల్ గాయం కారణంగా మైదానాన్ని వీడడంతో విరాట్ కోహ్లీ, యశస్వి జైస్వాల్, రిషభ్ పంత్‌లు కూడా త్వరగా ఔట్ అయ్యారు.
యశస్వి 15 పరుగులు, పంత్ 19 పరుగులు చేసి పెవిలియన్‌కు చేరారు.
విరాట్ కోహ్లీ (15) ఔటయ్యాక నెట్స్‌లో సాధన చేయడానికి వెళ్లినట్లు సమాచారం.
మరోవైపు, భారత యువ పేసర్లు ముకేశ్ కుమార్, నితీశ్ రెడ్డి, సైని చాలా కట్టుదిట్టంగా బౌలింగ్ చేస్తూ మంచి ప్రదర్శన కనబరుస్తున్నారు.