Mohammed Shami: టీమిండియాలోకి మహ్మద్‌ షమి రీ ఎంట్రీ.. సంతోషం వ్యక్తం చేసిన భారత మాజీ ఆటగాడు
ఈ వార్తాకథనం ఏంటి
చాలాకాలం తర్వాత టీమిండియా సీనియర్‌ ఫాస్ట్‌బౌలర్‌ మహమ్మద్ షమీ మళ్లీ భారత జెర్సీలో కనిపించబోతున్నాడు.
2023 వన్డే ప్రపంచకప్‌ ఫైనల్‌ అనంతరం గాయంతో జట్టుకు దూరంగా ఉన్న షమి, ఇప్పుడు 2025 ఛాంపియన్స్‌ ట్రోఫీ ముంగిట పునరాగమనం చేయడానికి సిద్ధమయ్యాడు.
ఇంగ్లాండ్‌తో జరుగనున్న టీ20 సిరీస్, వన్డే సిరీస్‌తో పాటు తర్వాత జరిగే ఛాంపియన్స్‌ ట్రోఫీ కోసం కూడా అతడు ఎంపికయ్యాడు.
షమి రీ ఎంట్రీపై భారత మాజీ క్రికెటర్ సౌరభ్ గంగూలీ సంతోషాన్ని వ్యక్తం చేశాడు.
షమి జట్టులో చేరడంతో టీమ్‌ఇండియా బలం మరింత పెరిగిందని ఆయన చెప్పారు.
వివరాలు
దేశవాళీ క్రికెట్లో బెంగాల్‌ తరఫున ఆడటం అతడికి కలిసొచ్చే అంశం: గంగూలీ
"షమి ఫిట్‌గా ఉన్నందుకు నాకు చాలా ఆనందంగా ఉంది. అతను జస్‌ప్రీత్‌ బుమ్రా తర్వాత భారతదేశంలో బౌలర్ అని నేను భావిస్తున్నాను. షమి కొంత భయాందోళనతో ఉండవచ్చు, ఎందుకంటే మోకాలి గాయం తర్వాత చాలా కాలం క్రికెట్‌ ఆడడం. కానీ దేశవాళీ క్రికెట్లో బెంగాల్‌ తరఫున ఆడడం అతడికి ఎంతో అనుకూలంగా ఉంటుందని నేను నమ్ముతాను. ఈ అనుభవం రాబోయే మ్యాచ్‌ల్లో అతడికి ఎంతో ఉపయోగపడుతుంది. షమి జట్టులోకి రావడం, బుమ్రాపై భారం తగ్గించడంతో టీమ్‌ఇండియా ప్రదర్శన మెరుగుపడుతుంది. బుమ్రా ఒక ఎండ్‌ నుంచి, షమి మరో ఎండ్‌ నుంచి బౌలింగ్ చేయడం విశేషంగా ఉంటుంది. ఈ ద్వయం టెస్టు క్రికెట్లో కూడా సక్సెస్‌ అయ్యింది" అని గంగూలీ పేర్కొన్నాడు.
వివరాలు
టీమ్ఇండియాకు ఊరట
ఇటీవల ముగిసిన బోర్డర్‌-గావస్కర్‌ ట్రోఫీలో జస్‌ప్రీత్‌ బుమ్రా పేస్‌ బౌలింగ్‌లో పెద్ద భారం మోశాడు.
అతను ఎక్కువ పని భారం ఉన్న కారణంగా గాయపడ్డాడు. బుమ్రా ఫిట్‌నెస్‌ గురించి ఆందోళన ఉండగా, షమి తిరిగి జట్టులో చేరడం టీమ్ఇండియాకు ఎంతో ఊరట కలిగించిందని చెప్పవచ్చు.
ఈవేళ ఛాంపియన్స్‌ ట్రోఫీ జట్టులో బుమ్రా కూడా ఉన్నాడు, అతడు ఫిట్‌గా ఇంగ్లాండ్‌తో మూడో వన్డేలో ఆడనున్నాడు.
బుమ్రా, షమి ద్వయం కలిసి రాణించి, భారత్‌ను ఛాంపియన్స్‌ ట్రోఫీ విజేతగా నిలిపేందుకు అభిమానులు ఆశాభావం వ్యక్తం చేస్తున్నారు.