ఐపీఎల్ తరహాలో ప్రొ కబడ్డీ లీగ్.. 12 నగరాల్లో నిర్వహించేందుకు ప్లాన్!
ఈ వార్తాకథనం ఏంటి
దేశంలో ఐపీఎల్ తర్వాత ఆ స్థాయి విశేష ఆదరణ దక్కించుకున్న టోర్నీ ప్రొ కబడ్డీ లీగ్. గత తొమ్మిది సీజన్లలో ఈ లీగ్ చాలా ఉత్కంఠ భరితంగా సాగింది.
అయితే కరోనా కారణంగా రెండేళ్లుగా ఈ మెగా లీగ్ ను పరిమిత వేదికల్లోనే నిర్వాహకులు నిర్వహిస్తున్నారు.
ఈ ఏడాది డిసెంబర్ లో పదో సీజన్ జరగనుంది. ఐపీఎల్ మాదిరిగానే ఉన్న 12 జట్లకు చెందిన నగరాల్లో ఈ టోర్నీ నిర్వహించాలని ఆర్గనైజర్స్ నిర్ణయించారు.
త్వరలోనే ఈ టోర్నీ పూర్తి షెడ్యూల్ ను విడుదల చేయనున్నారు.
Details
డిసెంబర్ 2న పికేఎల్ టోర్నీ ప్రారంభం
పీకేఎల్ పదో సీజన్‌ను డిసెంబర్ 2 నుంచి ప్రారంభించనున్నట్లు లీగ్ కమిషనర్ అనుపమ్ గోస్వామి పేర్కొన్నారు.
సెప్టెంబర్ 8, 9 తేదీల్లో ఆటగాళ్ల వేలం నిర్వహిస్తామని చెప్పారు. గత తొమ్మిది సీజన్లు విజయవంతమయ్యాయని, పదో సీజన్ కూడా అందరికీ గుర్తిండిపోయేలా ఉంటుందని స్పష్టం చేశారు.
అయితే ఇప్పటి వరకూ జరిగిన తొమ్మిది సీజన్లో పాట్నా పైరేట్స్ మూడు టైటిల్స్ గెలిచి ఈ టోర్నీలో అత్యంత విజయవంతమైన జట్టుగా నిలిచింది.