ICC Test Rankings: టెస్ట్ బ్యాటింగ్ ర్యాంకింగ్స్‌ అగ్రస్థానంలో మళ్లీ రూట్..
ఈ వార్తాకథనం ఏంటి
ఐసీసీ టెస్ట్ బ్యాట్స్‌మెన్ కొత్త ర్యాంకింగ్ జాబితాను తాజాగా విడుదల చేసింది. ఈసారి ఇంగ్లండ్ బ్యాట్స్‌మెన్ జో రూట్, హ్యారీ బ్రూక్‌ను మించిన ఘనత సాధించి అగ్రస్థానాన్ని కైవసం చేసుకున్నాడు.
గత ఏడాది 898 పాయింట్లను సాధించిన హ్యారీ బ్రూక్ ఈసారి 22 పాయింట్లు కోల్పోయాడు.
న్యూజిలాండ్‌పై మంచి ప్రదర్శన కనబరిచిన జో రూట్(895 పాయింట్లు)తన మునుపటి స్కోరును నిలబెట్టుకుని అగ్రస్థానంలో నిలిచాడు.
ఇంగ్లండ్‌పై అద్భుతమైన సెంచరీ సాధించిన న్యూజిలాండ్ బ్యాట్స్‌మెన్ కేన్ విలియమ్సన్ 867 పాయింట్లతో 3వ స్థానంలో నిలిచాడు.
టీమిండియా యువ ఆటగాడు యశస్వీ జైస్వాల్ 811 పాయింట్లతో 4వ స్థానాన్ని సాధించాడు.
ఈ జాబితాలో టాప్-5లో చోటు దక్కించిన ఏకైక భారత బ్యాట్స్‌మెన్‌గా జైస్వాల్ నిలిచాడు.ఇది ప్రత్యేకమైన ఘనత.
వివరాలు
781 పాయింట్లతో 5వ స్థానంలో ట్రావిస్ హెడ్
అడిలైడ్ టెస్టులో భారీ సెంచరీ సాధించిన ట్రావిస్ హెడ్ ఈసారి 6 స్థానాలు ఎగబాకి 781 పాయింట్లతో 5వ స్థానాన్ని పొందాడు.
శ్రీలంక ఆటగాడు కమిందు మెండిస్ 759 పాయింట్లతో 6వ స్థానంలో నిలిచాడు.
దక్షిణాఫ్రికా బ్యాట్స్‌మెన్ టెంబా బావుమా 753 పాయింట్లతో 7వ స్థానాన్ని సాధించాడు. న్యూజిలాండ్ ఆటగాడు డారిల్ మిచెల్ 729 పాయింట్లతో 8వ స్థానంలో ఉన్నాడు.
టీమిండియా వికెట్ కీపర్ బ్యాట్స్‌మెన్ రిషబ్ పంత్ 724 పాయింట్లతో 9వ స్థానంలో నిలిచాడు.
అలాగే, పాకిస్థాన్ ఆటగాడు సౌద్ షకీల్ కూడా 724 పాయింట్లతో 10వ స్థానంలో ఉన్నాడు. భారత క్రికెట్ దిగ్గజాలు విరాట్ కోహ్లీ 20వ స్థానంలో, రోహిత్ శర్మ 30వ స్థానంలో నిలిచారు.