RR Vs LSG: జైపూర్‌లోని సవాయ్ మాన్సింగ్ స్టేడియంలో నేడు లక్నోతో రాజస్థాన్ రాయల్స్ పోరు..
ఈ వార్తాకథనం ఏంటి
ఐపీఎల్-2025లో తొలి సూపర్ ఓవర్ ఆడిన రాజస్థాన్ రాయల్స్ నేడు లక్నో సూపర్‌జెయింట్స్‌తో పోటీకి సిద్ధమవుతోంది. ఈ మ్యాచ్ రాజస్థాన్ జట్టు స్వగృహమైన జైపూర్‌లోని సవాయ్ మాన్సింగ్ స్టేడియంలో జరగనుంది. ఈ మ్యాచ్ రాజస్థాన్‌కు అత్యంత కీలకం కానుంది. గెలిస్తేనే ప్లేఆఫ్స్ రేసులో నిలవగలిగే అవకాశం ఉంటుంది. ప్రస్తుతం రాజస్థాన్ ఏడు మ్యాచ్‌లలో కేవలం రెండు విజయాలు, ఐదు ఓటములు మాత్రమే సాధించి పాయింట్ల పట్టికలో ఎనిమిదవ స్థానంలో ఉంది. జైపూర్‌లోని సవాయ్ మాన్సింగ్ స్టేడియంలోని పిచ్ పరిస్థితులను పరిశీలిస్తే, ఇది బ్యాటింగ్‌కు, బౌలింగ్‌కు అనుకూలంగా ఉంటుంది. అయితే, స్లోగా ఉండే పిచ్ కావడంతో భారీ స్కోర్లు నమోదు చేసే అవకాశం తక్కువగా ఉంటుంది.
వివరాలు
ఈ మైదానంలో టాస్ ఫలితం చాలా కీలకం
బ్యాట్స్‌మెన్ పిచ్‌పై కొంతసేపు స్థిరంగా ఆడితే, రన్స్ సాధించడం సాధ్యమే. కానీ మొదటి ఓవర్లలో బంతి బ్యాట్‌పైకి చక్కగా వచ్చినా, తర్వాత నెమ్మదించడంతో బౌలర్లకు స్వల్ప ఆధిక్యం ఉంటుంది. రాజస్థాన్ ఈ సీజన్‌లో ఈ మైదానంలో ఇప్పటివరకు కేవలం ఒకే ఒక మ్యాచ్ ఆడింది. ఆ మ్యాచ్‌లో రాయల్ ఛాలెంజర్స్ బెంగళూరు (ఆర్సీబీ) 175 పరుగులు చేసి, రాజస్థాన్‌పై విజయం సాధించింది. ఈ మైదానంలో టాస్ ఫలితం చాలా కీలకం.మంచు పడే అవకాశాలు ఉండటంతో టాస్ గెలిచిన జట్టు ముందుగా బౌలింగ్ ఎంచుకునే అవకాశం ఎక్కువ. అలా చేయడం ద్వారా ప్రత్యర్థి జట్టును తక్కువ స్కోరుకే కట్టడి చేసి,ఆ తర్వాత లక్ష్యాన్ని చిత్తుగా ఛేదించే అవకాశం ఉంటుంది.
వివరాలు
సందీప్ శర్మ ఈ పిచ్‌పై మంచి ప్రదర్శన చూపే అవకాశం
రాజస్థాన్ జట్టు తరఫున కెప్టెన్ సంజూ శాంసన్, యశస్వి జైస్వాల్, రియాన్ పరాగ్, షిమ్రాన్ హెట్మెయర్‌ల ఆటపై అభిమానులు ఆశలు పెట్టుకున్నారు. అదే విధంగా బౌలింగ్ విభాగంలో సందీప్ శర్మ ఈ పిచ్‌పై మంచి ప్రదర్శన చూపే అవకాశముంది. లక్నో జట్టు విషయానికొస్తే, బ్యాటింగ్‌లో నికోలస్ పూరన్, రిషబ్ పంత్, మిచెల్ మార్ష్, ఐడెన్ మార్క్రమ్‌ల నుంచి మెరుపులు వెలువడే అవకాశం ఉంది. బౌలింగ్‌లో లక్నోకు చెందిన దిగ్వేష్ రాఠీ, రవి బిష్ణోయ్‌లు మ్యాచ్‌ను తమదైన శైలిలో మలిచే అవకాశం ఉంది.