KL Rahul: సంజు శాంసన్ తన సత్తా ఏంటో చూపించాడు : కేఎల్ రాహుల్
ఈ వార్తాకథనం ఏంటి
సౌతాఫ్రికా గడ్డపై ఆరేళ్ల తర్వాత భారత్ వన్డే సిరీస్ గెలిచింది. టీమిండియా యువ జట్టు అన్ని విభాగాల్లో పటిష్టంగా రాణించి 2-1 తేడాతో సొంతం చేసుకుంది.
చివరి వన్డేల్లో సంజూ శాంసన్ సెంచరీతో చెలరేగగా, అర్షదీప్ నాలుగు వికెట్లతో రాణించాడు.
ఇక సిరీస్ ను సొంతం చేసుకున్న అనంతరం భారత్ కెప్టెన్ కేఎల్ రాహుల్(KL Rahul), సౌతాఫ్రికా సారిథి మార్క్రమ్ మీడియాతో మాట్లాడారు.
కుర్రాళ్లతో కలిసి ఆడడం బాగుందని, వన్డే ప్రపంచ కప్ ఫైనల్ ఓటమి తర్వాత తొలిసారి మైదానంలోకి అడుగుపెట్టానని కేఎల్ రాహుల్ పేర్కొన్నారు.
యువ క్రికెటర్లకు క్రికెట్‌ను అస్వాదించమని చెప్పానని, జట్టులో వారి పాత్రను గుర్తు చేశానని పేర్కొన్నాడు.
Details
తమ అభిమానులను నిరాశపరిచాం : మార్క్రమ్
ఐపీఎల్‌లో సంజూ శాంసన్ అద్భుతమైన ఆటగాడు అని, ఇవాళ మాత్రం తన సత్తా ఏంటో చూపించాడని కేఎల్ రాహుల్ వెల్లడించారు.
ఐపీఎల్‌లో సంజు శాంసన్ అద్భుతమైన ఆటగాడు అని, ఇవాళ మాత్రం తన సత్తా ఏంటో చూపించాడని కేఎల్ రాహుల్ వెల్లడించారు.
నిర్ణయాత్మకమైన మూడో వన్డేలో ఓడిపోవడం చాలా బాధగా ఉందని, తమ అభిమానులను ఈ మ్యాచుతో నిరాశపరిచామని మార్క్రమ్ తెలిపాడు.
మొదట 290 లక్ష్యాన్ని ఛేదిస్తామని అనుకున్నామని, అయితే బ్యాటింగ్‌లో వెనుకబడ్డామన్నారు.
ఇక దక్షిణాఫ్రికాలోని రెండు గొప్ప మైదానాల్లో టెస్టులు జరుగుతున్నాయని, ఇది క్రికెట్ ఫ్యాన్స్‌కు పండుగేనని తెలియజేశాడు.