India vs Australia: యశస్వీ మెరుపులు, రింకు ఊచకోత.. ఆస్ట్రేలియా టార్గెట్ 236 రన్స్
ఆస్ట్రేలియాతో జరుగుతున్న రెండో టీ20 మ్యాచ్‌లో టీమిండియా యువ ఓపెనర్ యశస్వీ జైశ్వాల్, రింకూ సింగ్ దంచికొట్టాడు. దీంతో భారత జట్టు నిర్ణీత 20 ఓవర్లలో 235 పరుగులు చేసింది. తిరువనంతపురంలోని గ్రీన్ ఫీల్డ్ ఇంటర్నేషనల్ స్టేడియంలో జరిగిన ఈ మ్యాచ్‌లో తొలుత టాస్ గెలిచిన ఆస్ట్రేలియా బౌలింగ్ ఎంచుకుంది. మొదటిసారి బ్యాటింగ్‌కు టీమిండియాకు యశస్వీ జైశ్వాల్ , రుతురాజ్ గైక్వాడ్ శుభారంభానిచ్చారు. యశస్వీ 25 బంతుల్లో 212 అద్భుతమైన స్ట్రైక్ రేట్‌తో 53 పరుగులు చేశాడు. గైక్వాడ్ 43 బంతుల్లో 58రన్స్ చేశాడు. ఆ తర్వాత వచ్చిన ఇషాన్ కిషన్ 52పరుగులతో తనదైన శైలిలో రాణించాడు. ఆఖర్లో వచ్చిన రింకూ సింగ్ 344 స్ట్రైక్ రేట్‌తో 9బంతుల్లోనే 31 పరుగులతో అదరగొట్టాడు.
