రేపు వెస్టిండీస్‌తో రెండో టెస్టు.. జట్టులో పెద్దగా మార్పులుండవు : రోహిత్ శర్మ
ఈ వార్తాకథనం ఏంటి
వెస్టిండీస్-టీమిండియా జట్ల మధ్య రేపు రెండో టెస్టు మ్యాచ్ ప్రారంభం కానుంది. తొలి టెస్టులో టీమిండియా భారీ విజయం సాధించింది. అయితే విండీస్ ఆటగాళ్లు కనీసం పోటీని కూడా ఇవ్వలేకపోయారు.
మొదటి టెస్టులో బరిలోకి దిగిన ఆటగాళ్లతోనే రెండో టెస్టు ఆడాలని టీమిండియా భావిస్తోంది.
ఈ క్రమంలో రెండో టెస్టుకు ముందు నిర్వహించిన ప్రెస్ కాన్ఫరెన్స్‌లో కెప్టెన్ రోహిత్ శర్మ ఆసక్తికర వ్యాఖ్యలు చేశాడు.
ట్రినిడాడ్‌లోని క్వీన్స్ పార్క్ ఓవల్ పిచ్ ఎలా ఉంటుందో అర్థం కావడం లేదని, డిమినికాతో పోల్చితే ఇక్కడి పిచ్ పరిస్థితుల్లో పెద్దగా మార్పులేమీ ఉండవని, తుది జట్టుపైనా ఇప్పుడే ఒక నిర్ణయానికి రాలేమని పేర్కొన్నారు.
Details
విజయం కోసం పోరాడుతాం: రోహిత్ శర్మ
భారత క్రికెట్లో రాబోయే రోజుల్లో భారీ మార్పులు జరుగుతాయని, అయితే సీనియర్ల పాత్ర చాలా కీలకంగా ఉంటుందని, కొత్తగా వచ్చే యువ క్రికెటర్లు సత్తా చాటుతున్నారని, భారత క్రికెట్ కు వారే భవిష్యత్తు అని రోహిత్ చెప్పారు.
మొదటి టెస్టు పరాజయంతో విమర్శలు ఎదుర్కొంటున్న విండీస్ జట్టు జాగ్రత్తగా ఆడాల్సిన అవసరం ఉందని, రెండో టెస్టులో గట్టి పోటీని ఇచ్చే అవకాశం ఉందని, ఇరు జట్ల మధ్య వందో టెస్టు జరుగుతుండటం చాలా గర్వంగా ఉందని తెలిపారు.
ఇరు దేశాల మధ్య వందో టెస్టు మ్యాచ్ అయినప్పటికీ తమ ఆట తీరులో ఎలాంటి మార్పు ఉండదని, విజయం కోసం పోరాడుతామని రోహిత్ తెలియజేశాడు.