Rinku Singh: రింకూ సింగ్ భారీ సిక్సర్.. మీడియా బాక్సులు బద్దలు
ఈ వార్తాకథనం ఏంటి
సౌతాఫ్రికాతో జరిగిన రెండో టీ20లో టీమిండియా హిట్టర్ రింకూ సింగ్(Rinku Singh) చెలరేగాడు.
కెప్టెన్ సూర్యకుమార్ యాదవ్‌(Suryakumar Yadav) తో కలిసి నాలుగో వికెట్‌కు 70 పరుగుల భాగస్వామ్యాన్ని నెలకొల్పాడు.
కేవలం 39 బంతుల్లో 9 ఫోర్లు, 2 సిక్సర్లతో 68 రన్స్ సాధించి తన కెరీర్‌లోనే తొలి హాఫ్ సెంచరీని నమోదు చేశాడు.
చివర్లో వేగంగా ఆడి జట్టు స్కోరును 180 పరుగులకు చేర్చాడు.
ఈ క్రమంలో రింకూ సింగ్ కొట్టిన ఓ భారీ సిక్సర్ స్టేడియంలోని మీడియా బాక్స్ కు బలంగా తగిలింది.
దీంతో మీడియా బాక్స్ పగిలిపోయింది. సౌతాఫ్రికా కెప్టెన్ మార్క్రమ్ వేసిన 19వ ఓవర్లలో ఈ ఘటన చోటు చేసుకుంది.
Details
5 వికెట్ల తేడాతో సౌతాఫ్రికా విజయం
ఆ ఓవర్ చివరి రెండు బంతులను సిక్సర్ గా మలిచి తనదైన స్టైల్‌లో చెలరేగిపోయాడు.
రింకూ కొట్టిన సిక్సర్‌కు సంబంధించిన వీడియో ప్రస్తుతం వైరల్ అవుతోంది.
ఇక మ్యాచ్ విషయానికొస్తే... మొదట బ్యాటింగ్ చేసిన టీమిండియా 19.3 ఓవర్లలో 7 వికెట్ల నష్టానికి 180 పరుగులు చేసింది.
వర్షం కారణంగా డక్ వర్త్ లూయిస్ పద్ధతిలో సౌత్ ఆఫ్రికా లక్ష్యాన్ని 15 ఓవర్లలో 152 పరుగులుగా నిర్ణయించారు.
అయితే 13.5 ఓవర్లలోనే 5 వికెట్లు కోల్పోయి సౌతాఫ్రికా లక్ష్యాన్ని చేధించింది.