Asia cup 2025 : ఆసియా కప్‌లో సూర్యకుమార్ యాదవ్ కు కఠిన పరీక్ష.. పాక్‌పై రాణించగలడా?
ఈ వార్తాకథనం ఏంటి
ఆసియా కప్ 2025 టోర్నీ సెప్టెంబర్ 9వ తేదీ నుంచి యూఏఈ వేదికగా ప్రారంభమవుతుంది. టీ20 ఫార్మాట్లో జరగనున్న ఈ మెగా టోర్నీలో భారత జట్టు తన తొలి మ్యాచ్‌ను సెప్టెంబర్ 10న యూఏఈతో ఆడనుంది. దీని తర్వాత, పాకిస్థాన్‌తో సెప్టెంబర్ 14న తలపడనుంది. ఈ మ్యాచ్ కోసం ప్రపంచవ్యాప్తంగా క్రికెట్ అభిమానులు ఎదురు చూస్తున్నారు. బీసీసీఐ ఇప్పటికే భారత జట్టును ప్రకటించింది. జట్టు కెప్టెన్‌గా సూర్యకుమార్ యాదవ్‌ను నియమించింది. అయితే, సూర్యకుమార్‌కు పెద్ద టోర్నీల్లో జట్టుకు నాయకత్వం వహించిన అనుభవం లేదు. కాబట్టి ఆసియా కప్ 2025 సూర్యకుమార్‌కు పెద్ద సవాలుగా ఉంటుందని క్రికెట్ విశ్లేషకులు పేర్కొంటున్నారు. ప్రస్తుతం అతనికి వ్యక్తిగత అడ్డంకులను అధిగమించడం అవసరం అని మాజీ క్రికెటర్లు అభిప్రాయపడుతున్నారు.
Details
పాక్ పై మెరుగైన ప్రదర్శన ఇవ్వాలి
ముఖ్యంగా, సూర్యకుమార్ గతంలో తన చిరకాల ప్రత్యర్థి పాకిస్థాన్ జట్టుపై పెద్దగా రాణించలేకపోయాడు. గరిష్టంగా టీ20లో అత్యుత్తమ బ్యాటర్‌గా ఉండటం, పాకిస్థాన్ జట్టుపై ప్రదర్శనలో తనదైన ముద్రను చూపలేకపోయాడు. పాకిస్థాన్ మాజీ బ్యాటర్ బాజిద్ ఖాన్ అభిప్రాయం ప్రకారం, సూర్యకుమార్ పాకిస్థాన్ జట్టుపై గతంలో పెద్దగా రాణించకపోవడం, ఆసియా కప్‌లో భారత జట్టుకు ఒక బలహీనతగా మారవచ్చు. 360 డిగ్రీల్లో ఆడగలిగే ప్రతిభ ఉన్నా, స్పిన్, పేస్ బౌలింగ్‌ను ఎదుర్కొనే విషయంలో సౌకర్యంగా ఉన్నాకూడా, పాకిస్థాన్ మ్యాచ్‌లో కొన్ని సమస్యలను అతను అధిగమించాల్సి ఉంటుంది. సూర్యకుమార్ అన్ని జట్లపై సమర్థవంతంగా పరుగులు సాధిస్తాడు, కానీ పాకిస్థాన్‌తో మ్యాచ్‌లో మాత్రం అతను రాణించలేకపోతున్నాడు. ఆసియాకప్ 2025లో ఆ సమస్యను ఎలా అధిగమిస్తాడో వేచి చూడాలన్నారు.