Iga Swiatek: ప్రేక్షకుడి వేధింపులు.. ఇగా స్వైటెక్‌ కి అదనపు భద్రతను కేటాయించిన అధికారులు
ఈ వార్తాకథనం ఏంటి
పోలాండ్‌కు చెందిన ప్రపంచ నంబర్-2 టెన్నిస్ క్రీడాకారిణి ఇగా స్వియాటెక్ (Iga Swiatek) భద్రతను అధికారులు మరింత కట్టుదిట్టం చేశారు.
ఇటీవల ప్రాక్టీస్‌ సమయంలో ఒక ప్రేక్షకుడు ఆమెను అసభ్య పదజాలంతో దూషించినట్లు అంతర్జాతీయ మీడియా నివేదికలు వెల్లడించాయి.
ఈ నేపథ్యంలో మియామి ఓపెన్‌ (Miami Open) నిర్వాహకులు ఆమెకు అదనపు భద్రతను కేటాయించినట్లు తెలుస్తోంది.
గత నెలలో దుబాయ్ ఓపెన్‌ సందర్భంగా బ్రిటిష్‌ క్రీడాకారిణి ఎమ్మా రాడుకాను (Emma Raducanu) కూడా ఇలాంటి వేధింపులను ఎదుర్కొన్నారు.
తాజాగా ఇగా స్వైటెక్‌కు కూడా ఇటువంటి ఘటన ఎదురవడంతో అధికారులు అప్రమత్తమయ్యారు.
వివరాలు
ఘటనపై విచారణ
''ఈ విషయాన్ని టోర్నమెంట్‌ నిర్వాహకుల దృష్టికి తీసుకెళ్లాం.వారు తక్షణమే స్పందించి, మా క్రీడాకారిణికి భద్రతను పెంచేందుకు అవసరమైన చర్యలు చేపట్టారు. క్రీడాకారిణుల భద్రత ఎంతో ప్రాధాన్యమైన అంశం. ఇటువంటి సమస్యలను సమర్థవంతంగా పరిష్కరించేందుకు నిరంతరం కృషి చేస్తున్నాం. ప్రాక్టీస్‌లో గానీ, మ్యాచ్‌ల్లో గానీ, ఇతరుల నుంచి వచ్చే అసభ్య వ్యాఖ్యలు క్రీడాకారిణులకు మానసిక ఒత్తిడిని కలిగిస్తాయి. అందుకే, వీటిని అరికట్టేందుకు తగిన చర్యలు తీసుకుంటున్నాం'' అని ఇగా ప్రతినిధి పేర్కొన్నారు.
అయితే, ఈ ఘటనపై మహిళల టెన్నిస్ అసోసియేషన్‌ (WTA) స్పందించేందుకు నిరాకరించింది.
అయితే, ఈ ఘటనపై విచారణ జరిపి తగిన చర్యలు తీసుకోవాల్సిందిగా టోర్నమెంట్‌ నిర్వాహకులను ఆదేశించింది.