కరేబియన్ గడ్డపై టీమిండియా బ్యాటింగ్ కు సవాల్.. బుధవారం తొలి టెస్ట్ ప్రారంభం
ఈ వార్తాకథనం ఏంటి
వెస్టిండీస్ పర్యటనలో ఉన్న టీమిండియా ఇప్పటికే నెట్స్ లో శ్రమించింది. వచ్చే బుధవారం నుంచి డొమినికాలోని విండ్సర్ పార్క్ వేదికగా తొలి టెస్ట్ మ్యాచ్ జరగనుంది.
అయితే తొలి రోజులు ఫాస్ట్ బౌలర్లదే పైచేయిగా నిలిచే అవకాశం ఉందని ఇప్పటికే పిచ్ క్యూరేటర్ విడుదల చేసిన పలు నివేదికలు చెబుతున్నాయి.
మరోవైపు ఆఖరి రెండు రోజులు స్పిన్నర్లు విజృభించే అవకాశం ఉన్నట్లు సమాచారం.
ప్రపంచంలోనే బలమైన బ్యాటింగ్ లైనప్ కలిగిన భారత బ్యాట్స్ మెన్లు మొదటి రెండు రోజులు కరేబియన్ ఫాస్ట్ బౌలర్లను ఎదుర్కొనున్నారు.
భారత్, వెస్టిండీస్ ఇప్పటివరకు 98 టెస్ట్ మ్యాచ్‌లు ఆడాయి. ఈనెల 12 నుంచి 16 మధ్య 99వ టెస్ట్ మ్యాచ్ జరగనుంది.
DETAILS
అందరికంటే ఇంగ్లండ్ జట్టుతోనే భారత్ ఎక్కువ మ్యాచ్ లు ఆడింది
మొత్తంగా వెస్టిండీస్ 30 మ్యాచ్‌ల్లో గెలవగా, టీమిండియా మాత్రం కేవలం 22 మ్యాచ్‌లు గెలవడం గమనార్హం. మరో 46 మ్యాచ్‌ల్లో ఫలితం తేలకుండా పోయింది.
అయితే 2002 నుంచి విండీస్‌తో తలపడ్డ టెస్టుల్లో భారత జట్టు ఒక్కటి కూడా ఓడిపోకపోవడం సానుకూలం ప్రభావం చూపిస్తోంది.
మరోవైపు భారత్ తో 100 టెస్ట్ మ్యాచ్‌లాడిన మూడో జట్టుగా వెస్టిండీస్ చరిత్రకెక్కనుంది. వెస్టిండీస్ కంటే ముందు మరో రెండు అగ్రశ్రేణి జట్లు ఉన్నాయి.
ఇంగ్లండ్, ఆస్ట్రేలియాలతో టీమిండియా 100 టెస్ట్ మ్యాచ్‌లపైనే తలపడింది.
భారత టెస్ట్ క్రికెట్ చరిత్రలో ఇప్పటి వరకు అత్యధిక టెస్ట్ మ్యాచ్‌లను ఇంగ్లీష్ జట్టుతోనే ఆడింది. ఏకంగా 131 టెస్ట్ మ్యాచ్‌ల్లో భారత్ - ఇంగ్లాండ్ తలపడ్డాయి.
DETAILS
వెస్టిండీస్ తో గెలుపు ఓటమిల కంటే డ్రాగా ముగిసిన మ్యాచ్‌ల శాతమే ఎక్కువ
ఆస్ట్రేలియాతో భారత్ 107 టెస్టులను పూర్తి చేసుకుంది. మొత్తంగా 570 టెస్టుల్లో 172 మ్యాచ్‌ల్లో టీమిండియా గెలిచింది.
176 మ్యాచ్‌ల్లో ఓటమి పాలైంది. 221 టెస్టులు డ్రా కాగా ఒకటి టైగా ముగిసింది.
దీంతో టెస్ట్ ఫార్మాట్లో భారత్ గెలుపు శాతం 30.17గా రికార్డైంది. ఓటముల శాతం 30.87గా నమోదైంది. డ్రాగా ముగిసిన మ్యాచ్‌ల శాతం 38.77గా ఉంది.
అయితే భారీ అంచనాలతో కరేబియన్ దీవుల్లో అడుగుపెట్టిన టీమిండియాకు విజయం దక్కుతుందా లేదా ఆతిథ్య జట్టు భారత్ ను నిలువరిస్తుందా అనేది ప్రస్తుతం క్రికెట్ ప్రేమికుల చర్చకు దారితీసింది.
భారత జట్టు శక్తివంతంగానే కనిపిస్తున్నా ఫాస్ట్ బౌలింగ్ కు స్వర్ఘధామంగా నిలిచే కరేబియన్ గడ్డపై ఇండియన్ బ్యాటింగ్ లైనప్ కు సవాల్ ఎదురుకానుంది.
ట్విట్టర్ పోస్ట్ చేయండి
2002 తర్వాత ఒక్క మ్యాచ్ ఓడిపోని టీమిండియా
India have lost just one Test series in West Indies since 2000.
— Cricket.com (@weRcricket) July 9, 2023
It was way back in 2002 when they lost by 2-1 in a five-match series.#TeamIndia | #WestIndies | #WIvIND pic.twitter.com/DUt6esTOdh