హాఫ్ సెంచరీతో రఫ్పాడించిన రాహుల్, సూర్య తొలి వన్డేలో టీమిండియా ఘన విజయం
ఈ వార్తాకథనం ఏంటి
మూడు వన్డేల సిరీస్‌లో భాగంగా ఆస్ట్రేలియాతో జరిగిన తొలి వన్డేలో టీమిండియా 5 వికెట్ల తేడాతో గెలుపొందింది. తొలుత టాస్ గెలిచిన భారత్, ఆసీస్‌ను బ్యాటింగ్‌కు ఆహ్వానించింది.
టీమిండియా పేసర్ మహ్మద్ షమీ (5/51) ఐదు వికెట్లతో రాణించడంతో ఆస్ట్రేలియా 276 పరుగులకు అలౌటైంది. భారత్ 48.4 ఓవర్లలో 5 వికెట్లు కోల్పోయి లక్ష్యాన్ని చేధించింది.
ఆస్ట్రేలియా ఓపెనర్ మిచెల్ మార్ష్‌(4)ని షమీ తొలి ఓవర్లలోనే ఔట్ చేసి ఆసీస్‌కు షాక్ ఇచ్చాడు. వార్నర్(52) హాఫ్ సెంచరీతో ఫర్వాలేదనిపించాడు.
తర్వాత జడేజా బౌలింగ్ లో గిల్ కు క్యాచ్ ఇచ్చి వార్నర్ పెవిలియానికి చేరాడు. స్టీవ్ స్మిత్(41), మార్నస్ లబూషేన్(39), గ్రీన్(31), ఇంగ్లీస్(45) స్టోయినిస్ (29) ఓ మోస్తరు స్కోరు చేశారు.
Details
హాఫ్ సెంచరీతో రాణించిన గైక్వాడ్, గిల్, కేఎల్ రాహుల్, సూర్యకుమార్ యాదవ్
భారత బౌలర్లలో బుమ్రా, అశ్విన్, జడేజా తలా ఓ వికెట్ పడగొట్టాడు.
లక్ష్య చేధనకు భారత్ కు ఓపెనర్లు శుభ్ మాన్‌గిల్, రుతురాజ్ గైక్వాడ్ శుభారంభాన్ని అందించారు. తొలి వికెట్‌కు వీరిద్దరూ 142 పరుగులు జోడించారు.
గైక్వాడ్(71), గిల్(74), కెప్టెన్ కెఎల్ రాహుల్ (58*), సూర్యకుమార్ యాదవ్(50) హాఫ్ సెంచరీతో చెలరేగి భారత్ కు విజయాన్ని అందించారు.
ఎన్నో ఆశలతో బరిలోకి దిగిన శ్రేయస్ అయ్యర్(3) రనౌట్ అయి నిరాశపరిచాడు. ఆస్ట్రేలియా బౌలర్లలో అడమ్ జంపా 2, పాట్ కమిన్స్, సీన్ అబాట్ తలా ఓ వికెట్ తీశారు.