Vaibhav Suryavanshi: తొలి సెంచరీతో కల నెరవేరిందన్న వైభవ్.. మ్యాచ్ తర్వాత ఆసక్తికర కామెంట్స్
ఈ వార్తాకథనం ఏంటి
ఐపీఎల్ 2025లో గుజరాత్ టైటాన్స్‌తో సోమవారం జరిగిన మ్యాచ్‌లో రాజస్థాన్ రాయల్స్ యువ బ్యాటర్ వైభవ్ సూర్యవంశీ అద్భుతంగా రాణించిన విషయం తెలిసిందే. 35 బంతుల్లోనే శతకం బాదిన వైభవ్, స్టేడియాన్ని షాట్ల వర్షంతో దద్దరిల్లించాడు. ఐపీఎల్‌తో పాటు మొత్తం టీ20ల్లో సెంచరీ సాధించిన అత్యంత పిన్న వయస్కుడిగా నిలిచాడు. అంతేకాకుండా ఐపీఎల్ చరిత్రలో రెండో వేగవంతమైన సెంచరీ తన ఖాతాలో వేసుకున్నాడు. మ్యాచ్ అనంతరం స్పందించిన వైభవ్ సూర్యవంశీ, ఈ సెంచరీ తనకు చాలా ప్రత్యేకమైనదిగా భావిస్తున్నట్టు తెలిపాడు. ఇది తన తొలి ఐపీఎల్ సెంచరీగా పేర్కొంటూ, తాను మూడో ఇన్నింగ్స్‌ ఆడుతున్నానని వివరించాడు. ఐపీఎల్‌కి ముందు చాలా ప్రాక్టీస్ చేశానని, ఇప్పుడు ఆ ఫలితాలు కనపడుతున్నాయని ఆనందం వ్యక్తం చేశాడు.
Details
బంతిని చూసి షాట్ కొడతా
తాను క్రీజులో ఉన్నప్పుడు కేవలం బంతిని మాత్రమే చూసి ఆపై షాట్ కొడతానని చెప్పిన వైభవ్, జైశ్వాల్‌తో కలిసి బ్యాటింగ్ చేసిన సందర్భాన్ని గుర్తు చేస్తూ, అతడు తనకు అవసరమైన సూచనలు ఇస్తాడని, తనలో పాజిటివ్ ఎనర్జీ నింపుతాడని చెప్పారు. ఐపీఎల్‌లో సెంచరీ చేయడం తన చిన్ననాటి కల అని, అది నెరవేరినందుకు గర్వంగా ఉందని తెలిపాడు. తాను పూర్తిగా గేమ్‌పైనే ఫోకస్‌ పెడతానని స్పష్టంగా చెప్పాడు. గుజరాత్ టైటాన్స్ చేసిన 210 పరుగులను రాజస్థాన్ రాయల్స్ జట్టు కేవలం 8 వికెట్ల తేడాతో సులభంగా ఛేదించింది. యువ క్రికెటర్‌ చూపిన బ్యాటింగ్ మెరుపులతో పాటు, అతడిపై సోషల్ మీడియాలో ప్రశంసల జల్లు కురుస్తోంది.