Virat kohli: లండన్‌లో కొత్త లుక్‌తో కనిపించిన విరాట్ కోహ్లీ.. పూర్తిగా నెరిసిన గడ్డంతో ఉన్న ఫొటో నెట్టింట వైరల్
ఈ వార్తాకథనం ఏంటి
టీమిండియా మాజీ కెప్టెన్‌, స్టార్‌ క్రికెటర్‌ విరాట్ కోహ్లీకి సంబంధించిన ఒక ఫోటో ప్రస్తుతం సోషల్‌ మీడియాలో పెద్ద ఎత్తున వైరల్ అవుతోంది. లండన్‌లో తీసిన ఆ ఫోటోలో కోహ్లీ పూర్తిగా నెరిసిన గడ్డంతో,గుర్తుపట్టలేనంతగా మారిపోయి కనిపించడంతో,ఆయన వన్డే క్రికెట్‌కూ రిటైర్మెంట్‌ ప్రకటించబోతున్నారనే ఊహాగానాలు చెలరేగాయి. ఈ వార్తలు ఆయన అభిమానుల్లో భారీ ఆందోళనను రేకెత్తిస్తున్నాయి. ఇటీవల లండన్‌లో ఒక అభిమాని విరాట్ కోహ్లీతో దిగిన ఫోటో సోషల్‌ మీడియాలో చక్కర్లు కొడుతోంది. ఆ ఫోటోలో ఆయన గడ్డం భాగం తెల్లగా నెరిసిపోయి ఉంది.ఈ రూపంలో కోహ్లీని చూసిన అభిమానుల్లో చాలామంది షాక్‌కి గురయ్యారు. కొందరు అయితే మొదట ఆయనని గుర్తించలేకపోయామని కామెంట్లు చేస్తున్నారు.
వివరాలు
"వన్డే రిటైర్మెంట్‌ లోడింగ్‌?"
ఇప్పటికే టెస్ట్‌ క్రికెట్‌కు వీడ్కోలు పలికిన కోహ్లీ, ఇప్పుడు వన్డేల నుంచి కూడా తప్పుకోవడానికి ఇదే సంకేతమంటూ సోషల్‌ మీడియాలో అనేక పోస్టులు వెలువడుతున్నాయి. "వన్డే రిటైర్మెంట్‌ లోడింగ్‌?" అంటూ అనేక మంది మీమ్స్‌, పోస్టులు షేర్‌ చేస్తూ తమ ఆందోళనను వ్యక్తం చేస్తున్నారు. గతంలో ఓ కార్యక్రమంలో కోహ్లీ తన గడ్డం గురించి సరదాగా మాట్లాడుతూ, "రెండు రోజుల క్రితమే గడ్డానికి రంగు వేశాను. ఇప్పుడు ప్రతి నాలుగు రోజులకు ఒకసారి రంగు వేయాల్సి వస్తోందంటే, సమయం దగ్గరపడిందనుకోవాలి" అని వ్యాఖ్యానించిన సంగతి తెలిసిందే. ఆ సమయంలో చేసిన ఈ హాస్య వ్యాఖ్యలను, ప్రస్తుతం అభిమానులు సీరియస్‌గా తీసుకుంటున్నారు.
వివరాలు
రిటైర్మెంట్‌ ఊహాగానాలకు మరింత బలం చేకూర్చేలా తాజా రూపం
కోహ్లీ శారీరకంగా పూర్తి ఫిట్‌నెస్‌లో ఉన్నప్పటికీ, ఆయన తాజా రూపం మాత్రం రిటైర్మెంట్‌ ఊహాగానాలకు మరింత బలం చేకూర్చింది. అయితే, వన్డే క్రికెట్‌లో తన భవిష్యత్తు గురించి విరాట్ కోహ్లీ ఇప్పటివరకు ఎలాంటి అధికారిక ప్రకటన చేయలేదు. ఆయన తీసుకోబోయే తదుపరి నిర్ణయంపై క్రికెట్‌ ప్రపంచం, అభిమానులు ఉత్కంఠగా ఎదురు చూస్తున్నారు.
ట్విట్టర్ పోస్ట్ చేయండి
పూర్తిగా నెరిసిన గడ్డంతో ఉన్న ఫొటో నెట్టింట వైరల్
Virat Kohli with Shash Kiran in the UK. pic.twitter.com/Y9JoWrO1Gl
— Mufaddal Vohra (@mufaddal_vohra) August 8, 2025