Vivek Ramaswamy:'గో బ్యాక్ టు ఇండియా': H-1B వీసా వివాదం మధ్య,వివేక్ రామస్వామి జంటపై జాత్యహంకార వ్యాఖ్యలు..
ఈ వార్తాకథనం ఏంటి
అమెరికాలో అధికారంలో ఉన్న రిపబ్లికన్ పార్టీకి చెందిన భారత మూలాలున్న యువ పారిశ్రామికవేత్త, రాజకీయ నాయకుడు వివేక్ రామస్వామి, ఆయన భార్య అపూర్వ రామస్వామిలు ఇటీవల జాత్యహంకార వ్యాఖ్యల బెదిరింపులకు గురయ్యారు.
తమ 10వ వివాహ వార్షికోత్సవాన్ని పురస్కరించుకొని, వివేక్ తన భార్య అపూర్వతో కలిసి ఉన్న ఒక భావోద్వేగ పోస్ట్‌ను సోషల్ మీడియాలో పంచుకున్నారు.
ఈ సందర్భంగా, అపూర్వతో తన తొలి డేటింగ్ అనుభవాన్ని కూడా ఆయన అందులో వెల్లడించారు.
వివేక్ రామస్వామి రెండు ఫోటోలను షేర్ చేశారు.అందులో ఒకటి తన,అపూర్వ మొదటి డేట్ సమయంలో తీసిన ఫోటో కాగా,రెండోది ఇటీవల ఒక సేదతీరి విహారయాత్ర సందర్భంగా తీసినది.
వివరాలు
వివేక్ దంపతులపై అనుచిత వ్యాఖ్యలు
2011లో తన వైద్య విద్యాభ్యాసం చేస్తున్న అపూర్వను కలుసుకున్నానని,ఆ వెంటనే వారు కలిసి రాకీ పర్వతాలకు ట్రెక్కింగ్‌కు వెళ్లిన విషయాన్ని ఆయన గుర్తు చేసుకున్నారు.
14 సంవత్సరాల పరిచయం తర్వాత, ఇద్దరు పిల్లల తల్లిదండ్రులుగా మారిన తరువాత, ఈ వారాంతంలో తమ 10వ వివాహ వార్షికోత్సవాన్ని జరుపుకుంటున్నామని ఆయన ఆనందంగా తెలిపారు.
అయితే, ఇటీవలి కాలంలో అమెరికాలో H-1B వీసా విధానంపై వివిధ స్థాయిల్లో చర్చలు, వివాదాలు ముదురుతున్న నేపథ్యంలో, వివేక్ దంపతులపై అనుచిత వ్యాఖ్యలు వచ్చాయి.
కొంతమంది నెటిజన్లు వీరిని లక్ష్యంగా చేసుకొని వివిధ రకాల జాత్యహంకార వ్యాఖ్యలు చేశారు.
కొందరు "గో బ్యాక్ ఇండియా" అంటూ, మీరు భారత్‌కి తిరిగి వెళ్లాలని సూచిస్తూ కామెంట్లు పెట్టారు.
వివరాలు
మీ దేశంలో పర్వతాలు లేవా?
ఇంకొంతమంది "దయచేసి మీరు మళ్ళీ మీ స్వదేశానికి వెళ్లి అక్కడే హైకింగ్ ట్రైల్‌లను అన్వేషించండి" అని వ్యాఖ్యానించారు.
మరొకరు "మీ దేశంలో పర్వతాలు లేవా?" అని ప్రశ్నించారు. ఇంకా ఒకరు "మీ చర్మం మూడు నాలుగు షేడ్స్‌ వరకు వెలుతురుగా కనిపిస్తోంది. మీరు బ్లీచ్ చేసుకోలేదా?" అంటూ చులకన వ్యాఖ్యలు చేశారు.
ఇంకొకరు "ఇవాళ మిమ్మల్ని బహిష్కరించాలి" అంటూ తీవ్ర వ్యాఖ్యలు చేశారు.
ఇదిలా ఉండగా, వివేక్ రామస్వామి H-1B వీసా విధానాన్ని బహిరంగంగా వ్యతిరేకిస్తున్నప్పటికీ, ఆయనకు భారతీయ మూలాలున్న కారణంగా మద్దతు పలుకుతున్నారని కొందరు ఆరోపిస్తున్నారు.
వివరాలు
అమెరికన్ల ఉద్యోగ అవకాశాలను దొంగిలిస్తున్నారని ఆరోపణలు
గతంలో డొనాల్డ్ ట్రంప్ అధ్యక్షుడిగా ఉన్న సమయంలో H-1B వీసాలపై అమెరికాలో తీవ్రమైన చర్చలు మొదలయ్యాయి.
ఈ వీసా ద్వారా అమెరికాకు వచ్చే విదేశీయులు స్థానిక అమెరికన్ల ఉద్యోగ అవకాశాలను దొంగిలిస్తున్నారని ఆరోపణలు వచ్చాయి.
అయినప్పటికీ, ట్రంప్ మాత్రం ప్రతిభావంతులైన విదేశీయులు అమెరికాకు అవసరమేనని అభిప్రాయపడి, వారిని స్వీకరించడంలో తప్పులేదని, వారికి H-1B వీసాలు ఇవ్వడం సముచితమేనని పేర్కొన్నారు.
ట్విట్టర్ పోస్ట్ చేయండి
వివేక్ రామస్వామి చేసిన ట్వీట్
In the fall of 2011, I met a brilliant medical student named Apoorva & asked her out on a first date - to head west for a weekend & hike Flattop Mountain in the Rockies. She accepted. We got within striking distance of the summit when a blizzard hit. I was foolishly stubborn… pic.twitter.com/pdV1joMUeg
— Vivek Ramaswamy (@VivekGRamaswamy) May 26, 2025