Bangladesh: రాజకీయ పార్టీని ప్రారంభించనున్న బంగ్లాదేశ్ విద్యార్థులు
ఈ వార్తాకథనం ఏంటి
బంగ్లాదేశ్‌లో షేక్ హసీనా ప్రభుత్వాన్ని కూల్చివేతలో ప్రధాన పాత్ర పోషించిన విద్యార్థి సమూహం త్వరలో ఓ కొత్త రాజకీయ పార్టీని ప్రారంభించనుంది.
వచ్చే రెండు రోజుల్లో పార్టీ పేరు ప్రకటించనున్నట్లు సంబంధిత వర్గాలు సోమవారం వెల్లడించాయి.
ప్రభుత్వ ఉద్యోగాల్లో రిజర్వేషన్లకు వ్యతిరేకంగా స్టూడెంట్స్ ఎగైనెస్ట్ డిస్క్రిమినేషన్(ఎస్‌ఎడి) అధ్యక్షుడు నహిద్ ఇస్లాం నేతృత్వంలో ప్రారంభమైన నిరసనలు దేశవ్యాప్తంగా విస్తరించాయి.
ఈ ఆందోళనలు తీవ్ర స్థాయికి చేరుకుని దేశవ్యాప్తంగా హింసాత్మక ఘటనలకు దారితీసాయి,
వీటిలో వెయ్యిమందికిపైగా మరణించారని నివేదికలు చెబుతున్నాయి.ఈ పరిణామాల నేపథ్యంలో, షేక్ హసీనా గతేడాది ఆగస్టులో భారత్‌కు పారిపోయారు.
ఆ తరువాత,నోబెల్ బహుమతి గ్రహీత ముహమ్మద్ యూనస్ నేతృత్వంలో తాత్కాలిక ప్రభుత్వం ఏర్పాటు చేయబడింది.ఈ ప్రభుత్వానికి నహిద్ ఇస్లాం ముఖ్య సలహాదారుగా కొనసాగుతున్నారు.
వివరాలు
ఈ ఏడాది చివర్లో బంగ్లాదేశ్‌లో ఎన్నికలు
త్వరలో ప్రకటించనున్న కొత్త రాజకీయ పార్టీకి కన్వీనర్‌గా నహిద్ ఇస్లాం బాధ్యతలు చేపట్టనున్నారని, అయితే ఈ విషయాన్ని అధికారికంగా ప్రకటించేందుకు సంబంధిత వర్గాలు ఇంకా నిరాకరించాయని సమాచారం.
కొత్త పార్టీకి పూర్తిస్థాయిలో అంకితమయ్యేందుకు నహిద్ ఇస్లాం తాత్కాలిక ప్రభుత్వంలోని తన సలహాదారు పదవికి రాజీనామా చేసే అవకాశం ఉందని తెలుస్తోంది.
యువత ఆధారిత ఈ పార్టీ బంగ్లాదేశ్ రాజకీయాల్లో గణనీయమైన మార్పులు తీసుకురావచ్చని పలువురు విశ్లేషకులు అభిప్రాయపడుతున్నారు.
ఈ ఏడాది చివర్లో బంగ్లాదేశ్‌లో ఎన్నికలు జరిగే అవకాశం ఉందని ఇటీవల ముహమ్మద్ యూనస్ ప్రకటించారు. అయితే, ఈ ఎన్నికల్లో తాను పోటీ చేయబోనని ఆయన స్పష్టంగా తెలిపారు.