US Presidential Elections 2024: అమెరికాలో మొదలైన ఓట్ల కౌంటింగ్.. 9 రాష్ట్రాలలో ట్రంప్..5 రాష్ట్రాలలో కమలా విజయం
ఈ వార్తాకథనం ఏంటి
అమెరికా అధ్యక్ష ఎన్నికలకు సంబంధించి పోలింగ్‌ ముగిసిన చోట్ల ఓట్ల లెక్కింపు ప్రారంభమైంది.
ఎన్నికల ఫలితాల్లో రిపబ్లికన్ పార్టీ అభ్యర్థి డొనాల్డ్ ట్రంప్ ముందంజలో ఉన్నారు. ప్రస్తుతానికి ట్రంప్ 9 రాష్ట్రాల్లో విజయం సాధించి, 95 ఎలక్టోరల్ ఓట్లను సాధించారు.
డెమోక్రటిక్ పార్టీ అభ్యర్థి కమలా హారిస్ 5 రాష్ట్రాల్లో గెలిచి, 35 ఎలక్టోరల్ ఓట్లను కైవసం చేసుకున్నారు.
అధ్యక్ష పదవిని చేపట్టాలంటే 270 ఎలక్టోరల్ ఓట్లను సాధించాల్సి ఉంటుంది.
వివరాలు
స్వింగ్ స్టేట్స్‌లో ట్రంప్ ప్రభంజనం
స్వింగ్ స్టేట్స్ అయిన జార్జియా, సౌత్ కరోలినా, ఫ్లోరిడాల్లో డొనాల్డ్ ట్రంప్ ముందంజలో ఉన్నారు .
జార్జియా, ఫ్లోరిడా రాష్ట్రాల్లో కమలా హ్యారిస్‌ పోటీకి మించిన ప్రాబల్యం చూపడం లేదు.
జార్జియాలో ట్రంప్‌కి 62.5% ఓట్లతో 6,51,177 ఓట్లు నమోదయ్యాయి, ఇక కమలా హ్యారిస్‌కి 37.0% ఓట్లతో 3,85,216 ఓట్లు వచ్చాయి. లెక్కింపు ఇంకా కొనసాగుతూనే ఉంది.
ఫ్లోరిడాలో కూడా ఇలాంటి స్థితి కనిపిస్తోంది, ఇక్కడ ట్రంప్‌కి 54.8% ఓట్లతో 49,47,232 ఓట్లు పోలయ్యాయి.
కమలా హ్యారిస్‌కి 44.2% ఓట్లతో 39,95,425 ఓట్లు నమోదయ్యాయి. ఇంకా లెక్కింపు కొనసాగుతుంది. వెస్ట్ వర్జీనియా, సౌత్ కరోలినా రాష్ట్రాలు ట్రంప్ ఖాతాలో చేరాయి.